“O Gaoioiga o leSau, Mulimuli Mai ia te A’u ” Uo, Tes. 2023, 6–7.
O Gaoioiga o le Sau Mulimuli Mai ia te A’u
Mo afiafi faaleaiga po o le suesueina o tusitusiga paia—pe tau lava o se mea malie!
O Se Vaaiga Mamao o le Lagi
O ata na tusia e Katy Dockrill
Mo le Faaaliga 1–5
Tala: Sa maua e le Aposetolo o Ioane se faaaliga vaaia o le lagi. Sa ia vaai i le nofoalii o le Atua ma le tele o lanu. Na vaai foi Ioane i tagata o tapuai i le Tama Faalelagi ma vivii atu ia te Ia mo le foafoaina o mea uma. (Tagai Faaaliga 4:2–3, 10–11.)
Pese: “Ou Te Faafetai Ia Te Oe, Le Tama e” (Tusipese a Tamaiti, 9)
Gaoioiga: Tusi se ata o le faaaliga vaaia a Ioane. Faaaoga le tele o lanu e te mafaia! Ona talanoa lea e uiga i auala e mafai ona e faaali atu ai i le Tama Faalelagi e te faafetai mo Ana faamanuiaga.
Mama a’ia’i ma Mama
Mo le Faaaliga 6–14
Tala: I se faaaliga, na vaai ai Ioane i se motu o tagata o vivii atu ia Iesu Keriso (tagai Faaaliga 7:9–10, 13–15). Sa latou ofuina ofutalaloa papae e faaalia ai sa mama ma mama a’ia’i i latou.
Pese: “Ua Ou Iloa Lo’u Faaola” (Viiga, nu. 73)
Gaoioiga: Saili ni mea faitino papae, e pei o se maa paepae, se ie paepae, po o se suka po o le masima. Talanoa e uiga i le mama a’ia’i ma le mama. E faapefea ona fesoasoani Iesu Keriso ia i tatou ia mama?
O Iesu Keriso o lo tatou Leoleo Mamoe
Mo le Kerisimasi
Tala: Ina ua soifua mai Iesu Keriso, sa o mai leoleo mamoe e tapuai ia te Ia. Na aoao mai le Aposetolo o Peteru o Iesu o lo tatou Leoleo Mamoe (tagai 1 Peteru 2:25). O i tatou o Lana lafu, ma e mafai ona tatou filifili e mulimuli ia te Ia.
Pese: “O Le Noea Muamua” (Viiga, nu. 123)
Gaoioiga: Sue i le itulau 38 e fai ai se toniga mamoe. O le a se mea e mafai ona e faaaogaina e laei ai e pei o se leoleo mamoe? E mafai ona e faatinoina le tala o le Soifua Mai o Iesu i le itulau 26 ma au toniga.
Suafa o Iesu Keriso
Mo le Faaaliga 15–22
Tala: Faaaliga 22:4 o loo fai mai o soo o Iesu Keriso o le a i ai “lona suafa [i] o latou muaulu.” O lona uiga o le a tatou filifili e manatua ma mulimuli ia te Ia.
Pese: “Pe A Ia Toe Afio Mai” (Tusipese a Tamaiti, 46–47)
Gaoioiga: Fai le gaoioiga o loo i le itulau e 8 e aoao ai e uiga i suafa o Iesu Keriso. Talanoa i se taimi na e mulimuli ai i Lana faataitaiga.