“Tala o le vaaiga o le Soifua Mai o le Faaola,” Uo, Tes. 2023, 26–27.
Tala o le vaaiga o le Soifua Mai o le Faaola
Faaaoga le tusiga lenei e faamatala ai le tala i le soifua mai o Iesu Keriso.
Ata na tusia e Simini Blocker
Tagata faitau: I se tasi po i Peteleema, sa manaomia ai e Maria ma Iosefa se nofoaga e nonofo ai. O le a maua e Maria se pepe. O lana pepe o Iesu Keriso, le Faaola o le Lalolagi.
[Ua o atu Iosefa ma Maria i le pule o le faletalimalo.]
Iosefa: Faamolemole. Ma te manaomia se nofoaga saogalemu e nonofo ai mo le po.
Pule o le faletalimalo: E leai se avanoa. Ae afai e te manao ai, e mafai ona lua nonofo i le fale o manu.
[Ua siitia atu Iosefa ma Maria i le fale o manu.]
Tagata faitau: Na fanauina e Maria le pepe o Iesu i le fale o manu.
[O Maria o loo sii le pepe o Iesu.]
Tagata faitau: I nisi o fanua lata ane, sa vaavaai e leoleo mamoe a latou mamoe.
[E tutu leoleo mamoe i tafatafa o mamoe.]
Tagata faitau: Na oo mai se agelu i leoleo mamoe. I le taimi muamua, sa fefefe leoleo mamoe.
[Agai atu le agelu i leoleo mamoe]
Agelu: Aua le fefe. Aua o le aso nei ua fanau ai … lo outou Faaola, o le Alii ia o Keriso.
Tagata faitau: Sa ta’u atu e le agelu i leoleo mamoe o le a latou maua le pepe o Iesu o loo taoto i se faatanoa vao. E toatele isi agelu na o mai ma pepese. Ona o atu lea o leoleo mamoe i le fale o manu i Peteleema.
[Ua o atu leoleo mamoe ia Maria, Iosefa, ma le pepe o Iesu.]
Leoleo Mamoe: O Ia o lo tatou Faaola. E tatau ona tatou ta’u atu i tagata uma!
[Maria, Iosefa, ma le pepe o Iesu]
Tagata faitau: Sa aoao foi le Au Makoi e uiga i le pepe o Iesu. Sa latou mulimuli i se fetu e sue o Ia.
[E uu i luga e le tagata faitau le fetu. E mulimuli le Au Makoi i le fetu ia Maria, Iosefa, ma le pepe o Iesu.]
Tagata faitau: Sa ifo atu le Au Makoi ia Iesu.
Makoi: Fai mai tusitusiga paia o le a afio mai o Ia i se aso. Ua matou aumaia meaalofa mo lo tatou Tupu.
Tagata faitau: O lenei Kerisimasi, e mafai foi ona tatou tuuina atu se meaalofa ia Iesu. E mafai ona tatou alolofa ia te Ia. E mafai ona tatou auauna atu i isi. E mafai ona tatou faasoa atu Lona malamalama i le lalolagi!