Toniga o le Vaaiga o le Soifua Mai o le Faaola

E mafai ona e faatinoina se tala faatino e faamatala ai le tala o le soifua mai o Iesu. O nisi nei o ofu e mafai ona e faia. Faaaoga le tusiga o loo i le itulau e 26 mo lau tala faatino.

Ufimata o Mamoe

Fai ni mamoe e o ma au leoleo mamoe!

Oti se li’o fua i le telē o ou foliga i se ipu pepa. (Motugaafa: Gagau teisi le ipu e amata ai ona tipi i le ogatotonu.)
Oti le li’o i le afa. Faapipii fasipepa i luga o le ipu e fai ai taliga.
Faapipii polo vavae faataamilo i le ipu pepa. (E mafai foi ona e faaaogaina popcorn po o marshmallows!)
Tuu i le faitalia: Faapipii se fasilaau i le pito i lalo o le ipu e faaaoga o se au.

Pale o le Makoi

Fai ni pale mo le Au Makoi.

Vali pe valivali le pito i luma ma tua o se ipu pepa. Tuu le vali ia mago. Ona gagau faaafa lea o le ipu.
Faaaoga le seleulu e oti ai le ogatotonu o le ipu i ni vaega se fa. (Aua nei otiina e tau atu i le faatausiusiuga!)
Tatala le ipu pepa. Tulei i luga ia togi ina ia foliga mai ai o se pale. Ona teuteu lea i le ala e te manao ai!

Fusiulu Fetu

Ofu lenei mea i luga o lou ulu e fai ma fetu na taitai atu ai le Au Makoi ia Iesu.

Oti ese le ogatotonu o se ipu pepa ina ia e maua ai na’o le augutu.
Tusi se siepi fetu i luga o se fasipepa mamafa.
Oti ese le fetu ma faapipii i luga o le augutu ina ia tu ai i luga.

Taliga o le Asini

Fai taliga nei mo le asini lea na aveina atu Maria i Peteleema.

Oti ese se fasipepa umi. Faapipii faatasi pito e fai ai se mama e fua i le tele o lou ulu.
Oti ese ni siepi taliga asini se lua mai se fasipepa.
Vali pe valivali ia taliga i le lanu efuefu poo le enaena ma se lio piniki i le ogatotonu.
Faapipii taliga i totonu o le mama pepa.