“Talofa mai Niu Sila!” Uo, Tes. 2023, 18–19.
Talofa mai Niu Sila!
Aoao e uiga i fanau a le Tama Faalelagi i le lalolagi atoa.
O Niu Sila o se atunuu i le Vasa Pasefika. E tusa ma le 5 miliona tagata e nonofo ai iina.
Malumalu
O Niu Sila e tasi le malumalu, ma le isi lua o loo fausia! O le malumalu o Hamilton Niu Sila o le uluai malumalu na fausia i le itu i saute o le lalolagi.
Laau Kerisimasi i Niu Sila
O le laau o le pōhutukawa e i ai fugalaau mumu e na o le taumafanafana i le taimi o le Kerisimasi e fuga mai ai. E faaaoga e tagata ia fugalaau e teuteu ai mo le Kerisimasi.
Gagana
O gagana aloaia a Niu Sila o le Gagana Peretania, Māori, ma le Gagana Fai Faailoga a Niu Sila. O Māori o le gagana a uluai tagata na o mai i Niu Sila.
Hāngī
O nisi taimi e kuka ai e tagata Māori a latou meaai i se hāngī. Latou te tuu ni ato o aano o manufasi ma fualaau faisua i luga o maa vevela i totonu o se pu i le eleele. Ona latou ufiufiina lea ma tuu atu e kuka.
Penguins
O le penguin aupito itiiti o le lalolagi, o le tamai penguin lanumoana, e nofo i Niu Sila ma Ausetalia. E toatele isi penguins o loo nonofo foi i le gataifale o Niu Sila!
Ata na tusia e Natalie Briscoe