“Pe Faapefea Ona Fiafia,” Uo, Fep. 2024, 2–3.
Mai le Au Peresitene Sili
Pe Faapefea Ona Fiafia
Sii mai le “Olioli ma le Alofa Mutimutivale,” Ensign, Nov. 1991, 73–75; ma le “O Fea o le a Tau i ai Lenei Mea?” Liahona,, Me 2019, 60–62.
Ata na tusia e Audrey Day
Na aoao mai le perofeta o Liae “ua i ai tagata, ina ia latou maua le olioli” (2 Nifae 2:25). Na faia i tatou e le Tama Faalelagi ina ia maua le olioli. E finagalo o Ia tatou te toe foi atu ia te Ia. E finagalo o Ia ia tatou fiafia i lenei olaga.
E faapefea ona tatou sailia le fiafia po o le olioli? Sa valaaulia e le Tupu o Peniamina lona nuu e “manatunatu i le tulaga manuia ma le fiafia o i latou o e e tausi i poloaiga a le Atua. Aua faauta, e faamanuiaina i latou i mea uma” (Mosaea 2:41).
E alofa le Tama Faalelagi ma Lona Alo o Iesu Keriso ia te oe. O le La fuafuaga mo i tatou o le “fuafuaga sili o le fiafia” (Alema 42:8). O lena fuafuaga ma a La poloaiga e taitai atu ai i tatou i le fiafia ma le olioli silisili.
Ou te uunaia outou taitoatasi ia saili le olioli lea e sau mai le tausia o poloaiga a le Atua.
Filifiliga Fiafia
Na aoao mai Peresitene Oaks o le olioli e sau mai le tausia o poloaiga. Tusi se foliga ataata i autafa o filifiliga lelei taitasi ma se foliga faanoanoa i autafa o filifiliga le lelei taitasi. O le a se filifiliga lelei ua e faia?