“O La’u Paaga Fou,” Uo, Fep. 2024, 39.
Tamaiti ma le Autalavou
O La’u Paaga Fou
I le tausaga ua te’a, sa ou faia ai se sini mo le polokalama a Tamaiti ma le Autalavou e faia ni uo fou. Sa faigata aua ua uma ona ou iloaina tagata uma i la’u vasega talu mai le vasega faataitai. Ae o le tausaga lenei i le vasega lima, sa ou auai i se polokalama e ta’ua o “Paaga a Tupulaga.” I Paaga a Tupulaga, e galulue le vasega lima ma tamaiti laiti o e e i ai manaoga faapitoa pe o le au faifaiaga.
I le aso muamua o Paaga a Tupulaga, sa ma paga ai ma se tamaitiiti laitiiti e igoa ia Carter.* Sa le’i tautala soo o ia, ae i le taimi lava lena sa manao ai e taalo i le sikuta. Sa ou oso i luga o le sikuta, ma sa amata ona ia tuliloaina a’u. Sa ou sola ese ona tuu atu lea ia te ia e pu’e a’u i taimi uma. Ina ua oo i le taimi ou te alu ai, na pau lava le mea na ou manao i ai o le toe foi lea i lena faletaalo ma taaalo ma Carter.
Ina ua toe oo i le taimi mo Paaga a Tupulaga, sa ou savali atu i le faletaalo. Ina ua vaai mai Carter ia te a’u sa amata ona osooso i luga ma lalo. O lena taimi sa taua tele ia te a’u. O lona uiga o ia o la’u uo e pei lava o a’u o lana uo.
Fai mai le Tupu o Peniamina i le Tusi a Mamona afai tatou te auauna atu i isi, ua tatou auauna atu i lo tatou Faaola. Fai mai leMosaea 2:17 “Ma faauta, ua ou taʼu atu nei mea ia te outou ina ia mafai ona outou aoaoina le poto; ina ia mafai ona outou aoaoina, pe a outou auauna atu i o outou uso-a-tagata, ua nao lo outou auauna atu lava lea i lo outou Atua.”
Ou te lagona lava le fiafia pe a ou auauna atu ia Carter. Ae ou te maua se lagona lelei foi pe a ou mafaufau o taimi uma lava ou te auauna atu ai ia Carter, o loo ou auauna atu ia Iesu. Ou te faafetai i le polokalama a Tamaiti ma le Autalavou e fesoasoani ia i tatou e faatutu ma galulue i sini, ma tatou te maua faamanuiaga mai le faia o na sini—e pei o le sailia o ni uo fou!
Ata na tusia e Miguel Sanchez