Aoao e uiga i le Tusi a Mamona

Ua Fau e Nifae se Vaa

alt text

Na poloaiina e le Alii Nifae e fau se vaa ina ia mafai ona malaga ai lona aiga i le laueleele na folafolaina. O mea e tolu na manaomia e Nifae e fau ai le vaa o ni meafaigaluega, galue malosi, ma le faatuatua i le Atua (tagai i le 1 Nifae 17:7–16; 18:1–4).

Meafaigaluega. Sa tatalo Nifae ia iloa po o fea e mafai ona ia maua ai anomea sa’o e fai ai meafaigaluega. Sa fesoasoani le Alii ia te ia e maua ni maa e i ai ’oa (uamea) e faaliusuavai e fai ai meafaigaluega.

alt text

Galue malosi. Na manaomia e Nifae ona ao mai ni laupapa e fau ai lana vaa. E manaomia ai le tele o galuega e la’u ma tipi laau!

alt text

Faatuatua i le Atua. Sa faatuatua Nifae o le a faaali atu e le Atua ia te ia le mea e fai. Sa talitonu o ia o le a fesoasoani le Atua ia te ia. Sa talitonu foi Nifae o le a taitai atu e le Atua lona aiga i le nuu folafolaina.

Tusi se ata pe fai se vaa, e pei ona sa faia e Nifae. Auina mai se ata o lau fausaga i le Uo! (Vaai i le faavaa pito i tua e iloa ai pe faapefea.)

Lu’i o Tusitusiga Paia

• O le a le umi na faaauau ai le afa ae faatoa tatalaina e Lamana ma Lemuelu ia Nifae? (Faaiteite: 1 Nifae 18:15)

• Na aoao mai Iakopo e uiga i le faia o a tatou lava filifiliga. O le a le igoa o lenei mea? (Faaiteite: 2 Nifae 2, autu o le mataupu)

• O ai le perofeta mai le Feagaiga Tuai na sii mai e Iakopo i le 2 Nifae? (Faaiteite: 2 Nifae 6:4–5)

Tali: e fa aso, faitalia, Isaia

E Mafai ona Ou Faitauina le Tusi a Mamona!

A uma ona e faitau, valivali se vaega o le ata. E mafai ona e faitauina mau nei E o faatasi ma vaiaso taitasi o le Sau, Mulimuli Mai ia te A’u.

• Vaiaso 1: 1 Nifae 18:9–22

• Vaiaso 2: 2 Nifae 2:6

• Vaiaso 3: 2 Nifae 5:27

• Vaiaso 4: 2 Nifae 9:21

alt text

Tala PDF

O ata na tusia e Corey Egbert