O Auala e 5 e Iloa ai se Uo Moni

O a ni mea e avea ai o se uo lelei? O se uo moni e faapitoa, ma o nisi taimi, e faigata ona maua. Afai e te laki, atonu ua uma ona i ai sau uo moni. Ae afai e leai, aua lava le fefe! O auala nei e lima e iloa ai se uo moni. O nei mea e mafai ona fesoasoani ia te oe e avea ai foi ma se uo moni!

O se uo moni o le a lagolagoina oe. Afai e te fiafia, o le a latou fiafia mo oe. Afai e te lagonaina le faanoanoa, o se uo moni o le a le ata ia te oe—o le a latou taumafai e fesoasoani.
O se uo moni e faamaoni ma faatuatuaina. E mafai ona e faatuatuaina i latou e ta’u atu ia te oe le mea moni, e tusa lava pe faigata. O se uo moni o le a le pepelo ia te oe pe taumafai foi e te pepelo.
O se uo moni e tautala atu ma le agalelei ia te oe ma e uiga ia te oe. Afai latou te faatiga i ou lagona, o se uo moni e faamalie atu ma e le toe faia.
O se uo moni o le a faalogo atu ia te oe. Latou te popole i mea latou te fai atu ai!
O se uo moni o le a fesoasoani ia te oe e filifili le mea sa’o. “O uo moni e le faimai ia i tatou e matamata i mea, fai mea, pe aai, inu, pe faaaoga mea o le a afaina ai i tatou po o isi,” na saunoa ai Elder Gong o le Korama a Aposetolo e Toasefululua. “O uo mamae e fesoasoani le tasi i le isi e avea ma o latou tagata silisili.”^*