“O Le Aso Leaga Tele a Tommy,” Uo, Fep. 2024, 4–5.
O Le Aso Leaga Tele a Tommy
“O le a na ona ou nofo ii ina ia leai se isi mea leaga e tupu,” o le tala lea a Tommy.
O lenei tala sa tupu i le ISA.
Sa nofo Tommy i luga o le sitepu pito i luma o lona fale ma mapuea. Oka se aso ina a leaga!
O lena taeao, sa masaa ai lana meaai o le taeao ia te ia lava. Na pau lava le ofuvae mama na ia maua e laititi tele. Sa tuai o ia i le aoga. Sa faanofo o ia e lona faiaoga i totonu mo le taimi e taalo ai ona sa galo ia te ia lana tusi. Ona, ia toe foi atu lea i le fale mai le aoga, sa ia sulu i luga o le auala savali ma tiga ai lona tulivae. Ma ina ua alu o ia i fafo e taalo, sa pa le pa’u o lana uila. O mea uma lava ua le lelei!
“O le a ou nofo ii ina ia leai se isi mea leaga e tupu,” o le tala lea a Tommy. Ae sa ia lagonaina le sili atu ona leaga ma sili atu le le lelei o le umi na ia nofo ai.
Ona faalogoina lea e Tommy se pa”o manutinuti lata ane. Sa ia tepa ae i luga ma iloa atu Mr. Johnson o loo salu laulaau i lona fanua. O Mr. Johnson sa nofo na o ia i le fale na sosoo ai.
E le’i fiafia lava Tommy e salu laulaau. Sa ia matamata atu ia Mr. Johnson o taumafai e ao mai laulaau ma tuu i totonu o se taga lapoa. Ae sa na o ni nai laulaau laiti sa mafai ona tuu i totonu. Sa fai lava ma toe salalau laulaau i luga o le palapala.
. O loo matua faafaigata tele ia Mr. Johnson, o le mafaufau lea o Tommy. A salu e Tama ia laulaau, sa fesoasoani Tommy ia te ia e uu faafaamaga le taga. O le a matuai faigata lava mo na o se tagata e toatasi ona fai lena galuega.
Aisea e le fesoasoani ai se tasi ia te ia? Sa mafaufau ai Tommy.
Ona iloa lea e Tommy se mea. E mafai onaIa fesoasoani!
Sa oso ese Tommy mai le sitepu ma savali atu i a Mr. Johnson. “E mafai ona ou uu ma faafaamaga lena taga mo oe.”
“Oi, faafetai tele lava,” o le tala lea a Mr. Johnson. “O lo’u tua ua le mafai na punou e pei ona masani ai.”
Sa uu e Tommy le taga ma fesoasoani foi e faatumu le isi taga. Ona ia uu mai lea o se lako ma fesoasoani i le vaega na totoe o laulaau.
A o la galulue faatasi, sa faamatala e Mr. Johnson ni tala tausua ma tala malie. Sa ata Tommy seia oo ina tiga lona manava. E le’i umi ae amata ona galo ia te ia le masaa o lana meaai o le taeao, misi le taimi e taalo ai, ma le tiga o lona tulivae.
Ina ua valaau atu Tina ia te ia mo le ’aiga o le afiafi, na iloa ane e Tommy ua la saluina le fanua atoa. Ma sa o se mea fiafia!
“Faafetai mo lau fesoasoani.” Na fai atu ai Mr. Johnson.
“E le afaina.” Sa talotalo faatofa atu Tommy. “Feiloai i se taimi!”
Sa savali atu Tommy i totonu o lona fale ma nofo i lalo i autafa o Tama i le laulau ai.
“Na faapefea mai lou aso?” Na fesili atu ai tama ia te ia.
Sa ataata tele Tommy. “O se aso sili lenei!”
Ata na tusia e Julia Bereciartu