O A Mea e Tutupu i totonu o Malumalu?

Ata na tusia e Rachel Ericson

I totonu o le malumalu, tatou te aoao atili ai e uiga i le Tama Faalelagi, Iesu Keriso, ma le ata o le faaolataga. Tatou te maua sauniga ma osia feagaiga paia. E mafai foi ona tatou faia lenei mea mo i latou o e maliliu e aunoa ma le osia o na feagaiga. E mafai ona tatou lagonaina le Agaga Paia ma maua tali i a tatou tatalo. Ua folafola mai e perofeta o le o atu i le malumalu o le a fesoasoani ia i tatou e maua ai le taitaiga mo o tatou olaga.

Malumalu o Cochabamba Polivia

O le malumalu muamua lenei na fausia i Polivia.
E mafai ona e vaai i se tasi o faatagata aupito maualuga o Keriso mai lotoa o le malumalu.
A o le’i fausia le malumalu, sa le’i timu mo ni masina. I le aso o le suatia o le eleele, sa i ai se timuga tele!

Malumalu o Johannesburg Aferika i Saute

O le malumalu muamua lea na fausia i Aferika.
Ina ua uma ona fausia, sa tofu konetineta taitasi sa i ai tagata ma se malumalu.
O anomea sa faaaoga e fausia ai le malumalu sa filifilia ia faafetaui ma fale anamua na siomia ai.