Talofa mai Barbados!

Aoao e uiga i fanau a le Tama Faalelagi i le lalolagi atoa.

O Barbados o se motu i le atu Keripiane. E tusa ma le 280,000 tagata e nonofo iina!

Gagana

Kopi o le gagana Igilisi o le mekasini o le Uo ma se laau o le pama

O le gagana aloaia i Barbados o le Igilisi. O le toatele o tagata i le motu e tautatala foi i le gagana Bajan.

Sweet fuh days.

O le auala lena e te fai atu ai se mea e lelei tele i le gagana Bajan!

Amataga o le Ekalesia

Ata pue o le vaitafe ma laau o le pama ma ata tusi o se tamaitiiti o loo papatisoina

O le aiga muamua na auai i le Ekalesia i Barbados sa papatisoina i le 1978. O le taimi nei ua silia ma le 1,000 tagata auai o le ekalesia i le atunuu!

O Le Ana o Harrison

Ata pue o le ana o loo i ai ni mamanu ma ni ata tusi o se manuki i luga o se lala

O se ana maaolea lapoa lenei o loo tafe mai ai le vai. E mafai e tagata asiasi ona matamata i le ana i luga o se taavale ma vaai i mamanu uma o papa ua ola i le aluga o taimi.

O Se Fu’a Felanulanua’i

Ata pue o se fu’a lanu moana ma le auro ma se tao matatolu i le ogatotonu ma le ata tusi o se laumei o le sami

O le lanu auro i luga o le fu’a o Barbados e faatusa i matafaga o le motu. O le lanu moana e faatusa i le sami ma le lagi o Barbados.

Gaoioiga

Fatu se Maua!

Atatusi o tamaiti o loo faalele solo se maua

I Barbados, e faafelelei e tagata ia maua i le Eseta. Fai sau oe lava maua e manatua ai Iesu Keriso.

1. Oti se taimane lapoa mai se fasipepa.

2. Faapipii se manoa i le pito i lalo o le taimane.

3. Ia tusi ai ni upu po o ni ata o mea e te fiafia i ai e uiga ia Iesu Keriso i luga o lau maua!

Fua o le Kuka

Souse

Ata pue o se ipu aano o manufasi ma fualaau faisua

E toatele tagata i Barbados e aai i lenei mea i Aso Toonai. O se fua lenei e mafai ona e faataitaia!

1. Tipitipi ni pauna se 2 o le fasipuaa i le 1/2-inisi (1-cm). Faapuna aano o manufasi ma le 1 sipuni ti (15 ml) o le masima seia oo ina vela uma, pe tusa ma le 15 minute. Sasaa ese le vai ma tuu le aano o manufasi e faamaalili.

2. Tipitipi le 1/2 aniani lapoa, 2 kukama, o se luuga o le parsley, ma se pepa fai meaai o lau filifiliga faaninii. Saeu faatasi i se pesini tele. Faaopoopo le 1/2 tisipuni (2.5 ml) o le thyme ma le sua mai tipolo e 3 i totonu o le pesini.

3. Faaopoopo le aano vela o manufasi i le pesini ma saeu lelei. Faaopoopo le masima ma le pepa e fua i lau tofo. Tuu i le pisaaisa e faamalulu ia le itiiti ifo ma le lua itula a o le’i laulauina.

Ia mautinoa e i ai se tagata matua e fesoasoani atu!

Tala PDF

Ata na tusia e Simone Fumagalii