“O Gaoioiga o leSau Mulimuli Mai ia te A’u Uo, Aokuso 2024, 28–29.
O Gaoioiga o le Sau, Mulimuli Mai ia te A’u
Mo afiafi faaleaiga po o le suesueina o tusitusiga paia—pe tau lava o se mea manaia!
29 Iulai–4 Aokuso
Mea Iti, Eseesega Tele
Mo le Alema 36–38
Faatasi ai ma le fesoasoani a le Tama Faalelagi, e mafai ai e mea laiti ona faia se eseesega tele (tagai Alema 37:6–7). Fesoasoani e fai lau kuka e sili ona e fiafia i ai. O le a le mea o le a tupu i le kua pe afai e te aveesea se tasi o mea e manaomia? Talanoa e uiga i le auala e mafai ai e mea laiti ona faia se eseesega ma le auala e mafai ai foi ona e faia se eseesega.
5–11 Aokuso
Gaoioiga o le Toetu
Mo le Alema 39–42
Na aoao mai Alema e uiga i le toetu (tagai Alema 40:23). Fai se papeti e foliga ia te oe! E mafai ona e faaaogaina se taga pepa, fasipepa, po o se totini e fai ai se papeti. Faaaoga maka, vali, vulu, po o isi mea e teuteu ai. O lou lima e pei o lou agaga, ma o lau papeti e pei lava o lou tino. Ona o Iesu Keriso, o le a toe faatasia ai o tatou tino ma agaga e faavavau pe a mavae lo tatou toetutu.
12–18 Aokuso
Olo o le Saogalemu
Mo le Alema 43–52
A o sauniuni Taitaiau Moronae mo le taua, sa ia fausia ni mea faataamilo i le aai ina ia saogalemu ai tagata (tagai Alema 50:1–6). Fau ma lou aiga se olo! O taimi uma lava e te faaopoopo ai se mea fou i lou olo, ta’u se mea e mafai ona e faia e tausisia ai le saogalemu faaleagaga o lou aiga, e pei o le faitauina o tusitusiga paia po o le tatalo.
19–25 Aokuso
O Tusi o le Alofa
Mo le Alema 53–63
Na tusia e Helamana ma isi taitai ni tusi e faamatala ai e le tasi i le isi mea lelei ma mea leaga na tutupu i taua (tagai Alema 56). E mafai foi ona e tusia ni tusi! Tusi atu sau tusi i se tagata o lou aiga po o se uo. Tusi i lalo mea lelei o loo tutupu i lou olaga ma mea e faigata ia te oe. Ona auina atu lea o lau tusi!
O ata na tusia e Katy Dockrill