“O Se Aiga i le Lalolagi Atoa,” Uo, Aokuso 2024, 32–33.
Uo i le Uo
O Se Aiga i le Lalolagi Atoa
Mai se faatalanoaga ma Bradley Salmond III ma Rebekah Jakeman.
Ata na tusia e Yev Haidamaka
A o o’u talavou, sa galulue volenitia o’u matua i atunuu eseese. Sa ou manao foi e fesoasoani i tagata i le salafa o le lalolagi. Ina ua ou matua, sa avea a’u ma se fomai. Ua ou galue nei i le tele o atunuu eseese e fesoasoani i tagata. Ua matou fiafia lava ma lo’u aiga i le faatasi ai ma le Au Paia o Aso e Gata Ai i nei eria. E matuai fiafia lava i latou ma faamoemoe. Ma latou te fiafia ia Iesu Keriso ma Lana talalelei.
Sa masani ona o la’u fanau i le Peraimeri ma isi tamaiti e le foliga ia i latou pe tautatala foi i le gagana e tasi. Ae o i latou uma o fanau a le Tama Faalelagi. Na te silafia ma alofa ia te i tatou taitoatasi. O i tatou taitoasi o ni vaega o Lona aiga.
Ou te faamoemoe o loo silafia e outou fanau Peraimeri o outou o se vaega o se aiga faapitoa i le lalolagi atoa. Po o le a lava, e alofagia outou e lo tatou Tama Faalelagi. E i ai Ona faamoemoega maualuluga mo i tatou—ia avea e faapei o Ia. E tofu i tatou ma se taua. Pe a tatou maua le talalelei, o mea e mafai ona tuueseeseina ai i tatou, e pei o la tatou aganuu, le gagana tatou te tautatala ai, po o fea foi tatou te nonofo ai, e le toe vaevaeina ai i tatou. Aua o le a tatou vaai i le tasi ma le isi e pei ona tatou i ai moni lava—uso e ma tuafafine, fanau a le Atua.
Sailiga Uo
O tatou uma o se vaega o le aiga o le Tama Faalelagi! E mafai ona e suea tamaiti i ata e fetaui lelei mo siepi taitasi?