“O Auala e 5 e Tu Atu Ai i Tagata Faasaua,” Uo, Aokuso 2024, 39.
Mea e 5
O Auala e 5 e Tu Atu Ai i Tagata Faasaua
Ata na tusia e Mark Robison
E mafai ona taufaafefe le feagai ai ma se tagata saua. Ae ua ia te oe le faataitaiga atoatoa a Iesu Keriso e mulimuli ai, ma ua ia te oe Lona malosi e faatasi ma oe. Pe a agaleaga se tasi ia te oe po o isi, e mafai ona e tu atu mo le mea sa’o! O auala nei e lima:
-
Ta’u atu i le tagata e taofi. I se leo mausali, ta’u atu i le tagata e taofi le faia o oe po o se isi tagata ma le agaleaga. Mafaufau i taimi na tu atu ai Iesu Keriso i tagata o e sa agaleaga atu ia te Ia ma isi (tagai Ioane 8:3–11). O le a fesoasoani o Ia ia te oe e fai lena lava mea.
-
Savali ese. O nisi taimi o le savali ese o le mea aupito lototele lea e mafai e se tagata ona fai. Manava loloa ma savali ese. Afai e te vaai i se tasi o sauaina, alu atu ma fai atu ia i latou e o mai faatasi ma oe, ma savavali ese faatasi.
-
Tatalo. O le tatalo e matuai mamana lava! Tatalo mo le lototele ma le agaalofa. Atonu e ese lava, ae tatalo foi mo le tagata faasaua! “Tatalo i lou Tama Faalelagi,” na saunoa ai Elder Neil L. Andersen. “… O le a Ia taialaina oe i mea e fai. O le a Ia tatalaina faitotoa, aveese maagao, ma fesoasoani ia te oe e faatoilalo faafitauli.”
-
Manatua lou taua o se atalii/afafine o le Atua. E le afaina po o le a le tala a soo se tasi e fai atu ia te oe pe e uiga ia te oe—o le a le suia ai lava le tele o le alofa o le Tama Faalelagi ia te oe. Ia faalatalata atu lenei upumoni i lou loto, ma o le a e lagonaina le malosi tele atu ma le lototoa tele atu. Ia taulima foi isi, i taimi uma, o ni fanau a le Atua.
-
Ia agalelei. E mafai ona avea oe ma se faataitaiga o le agalelei. Na aoao mai i tatou e Iesu Keriso o le auala sili lea e taulima ai ni tagata faasaua. “Ia outou alolofa atu i e ua ita mai ia te outou, ia outou faamanuia atu i e ua fetuu mai ia te outou, ia outou agalelei atu i e ua inoino mai ia te outou, ia outou tatalo foi mo e ua tuuai fua mai ma faasaua mai ia te outou” (Mataio 5:44