“!Fasin blong Sakem Sin I Mekem Yu Glad!” Fren, Sept. 2024, 2–3.
I Kam long Fas Presidensi
!Fasin blong Sakem Sin Hem I Glad!
Oli tekemaot long, “Fasin blong Sakem Sin I Klinim Mi,” Liahona, Mei 2019, 91–94
Fasin blong sakem sin i wan glad. Hem i wan impoten pat long plan blong God. Yumi evriwan i nid blong sakem sin.
Blong sakem sin, yumi mas stat wetem fet long Jisas Kraes. Yumi mas lego mo talemaot ol sin blong yumi. Hemia i minim se yumi mas luksave wanem yumi i mekem i rong, talem sore long olgeta we yumi mekem oli harem nogud, mo jusum blong mekem ol moa gud joes. Yumi sud tekpat long sakramen evri Sabat dei.
Taem yumi sakem sin, bae yumi kam klin. Lod i promes se bae Hem i no moa “tingbaot [ol sin blong yumi ia] bakegen (Doktrin mo Ol Kavenan 58:42). !Hemia i wan gudfala promes! !Hem i wan merikel! !Hem i wan blesing!
Sevya blong yumi i openem ol han blong Hem blong risivim olgeta we oli sakem sin mo folem Hem.
Klin Bakegen
Yu save mekem aktiviti ia blong helpem yu lanem moa abaot fasin blong sakem sin!
-
Fulumap wan kontena wetem wota. Afta, putum sam ston mo graon insaed long wota. Hemia i soem ol rong joes we yumi mekem.
-
Blong kam klin bakegen, yumi nidim blong stop blong mekem ol rong samting. Blong ripresentem hemia, tekemaot ol ston long kontena. ?Wota ia i luk olsem wanem? ?Hem i toti yet?
-
Blong sakem sin fulwan, yumi nidim Jisas Kraes. Yumi nid blong gat fet long Hem mo long Atonmen blong Hem. Holem wan kontena andanit long wan paep blong wota. Mekem klin wota i ron i go insaed long kontena kasem taem ol toti wota i kamaot! Hemia i soem paoa we i Jisas Kraes i gat blong helpem yumi kam klin.
Ol pikja droing oli kam long Alyssa Tallent