Ol Aktiviti blong Kam Folem Mi

Blong famli haos naet o skripja stadi—o blong gat wan gud taem nomo!

26 Ogis–1 Septemba

Ol Strong Fandesen

Blong Hileman 1–6

A bird feeder on a rock and knocked down.

Hileman i tijim ol pikinini boe blong hem blong bildim ol laef blong olgeta long strong fandesen blong Jisas Kraes, (luk long Hileman 5:12). Wan fandesen i wan samting we oli bil antap long hem. Wan strong fandesen i mekem ful bilding i strong, iven long taem blong ol strong win. Bildim tu taoa—wan long strong fandesen mo wan long wan fandesen we i no strong. ?Wijwan long ol taoa ia nao i strong? ?Olsem wanem nao yumi save bildimap laef blong yumi long Jisas Kraes?

Blong ol smol pikinini: Helpem ol smol pikinini blong yu faenem wan samting we oli ting se i strong. ?Wanem nao oli bin faenem? Tijim se yumi save stap strong wetem Jisas Kraes.

2–8 Septemba

Testemoni blong Kraes

Blong Hileman 7–12

A girl reads something to a boy sitting on a couch.

Plante pipol long olgeta skripja oli tijim mo testifae abaot Jisas Kraes. (Luk long Hileman 8:16–20). !Yu save statem blong bildim wan testemoni blong yu long Hem tu! Wan testemoni i wan samting we yu bilif o save se i tru abaot Papa long Heven mo Jisas Kraes. Raetem daon testemoni blong yu mo praktisim taem yu serem wetem famli o ol fren blong yu.

Blong ol smol pikinini: Askem ol smol pikinini blong yu wan samting we oli laekem abaot Jisas Kraes. Afta serem testemoni blong yu abaot Sevya wetem olgeta.

9–15 Septemba

Samuel i stap klaem long Wol

Blong Hileman 13–16

A boy and a girl cutting out and creating crafts.

Samuel i bin wan profet we i bin tijim abaot Jisas Kraes antap long wol blong wan siti (luk long Hileman 13: 4). Go long pej 12 mo mekem pleplei ia blong helpem yu talem stori blong Samuel.

Blong ol smosmol pikinini: Holemtaet ol smol pikinini taem oli stanap long jea mo serem wanem oli save abaot Jisas Kraes, olsem we Samuel i bin mekem.

16–22 Septemba

Gem blong Kam Tugeta

Blong 3 Nifae 1–7

Children playing a game, one of them has a hand raised.

Jisas Kraes i promes se bae Hem i karem i kam tugeta evri pikinini blong Hem from se Hem i lavem evriwan mo wantem olgeta blong gat gospel (luk long 3 Nifae 5:24). Plei wan gem abaot kam tugeta. Mekem olgeta we oli plei oli stanap long wan sekol. Wan man o woman we i stanap long medel i talem sam tru samting abaot olgeta, olsem fevret kala blong olgeta. Sapos wanem hem i talem i tru blong olgeta we oli stanap raon long sekol, olgeta tu oli muv i kam insaed long medel. Gogohed olsem kasem taem evriwan i kam tugeta long medel.

Blong ol smol pikinini: Plei haed mo lukaotem, wetem ol smolwan blong yufala. Yu save givim long olgeta wan bigfala hag taem yu faenem olgeta. Tokbaot olsem wanem Jisas Kraes i promes blong karem yumi i kam tugeta no mata wea ples yumi stap long hem.

23–29 Septemba

Jisas I Laet

Blong 3 Nifae 8–11

A boy drawing at a table.

Hem i “laet mo laef blong wol ia” (3 Nifae 19:18). Wajem taem san i girap o i draon wetem ol famli blong yu. Afta dro wan pikja long wanem yu bin luk. Taem yu stap dro, tokbaot ol risen from wanem yu lavem Jisas Kraes mo olsem wanem Hem i karem yu kam long laet.

Blong ol smol pikinini: go aotsaed mo lukluk long ol defren laet, olsem san, ol sta, o mun. Askem ol smolwan blong yufala olsem wanem oli filim abaot ol laet ia. Tokbaot olsem wanem Jisas Kraes i laet blong yumi.

PDF

Ol pikja droing oli kam long Katy Dockrill