Yu Huia Stret

I kam long Elda Kevin W. Pearson

Blong Olgeta Seventi

Pikja

Elda Kevin W. Pearson

I kam long wan intaviu wetem Olivia Kitterman mo Diana Evelyn Nielson.

Pikja

Jisas Kraes mo ol pikinini

Papa long Heven i lavem yumi. Hem i wantem helpem yumi blong save huia yumi. Hem i krietem ol spirit blong yumi bifo yumi kam blong laef long wol ia. Yumi ol pikinini boe mo pikinini gel blong God.

Samtaem yumi filim se yumi stap yumiwan o wari se bae yumi neva gud inaf. Jisas Kraes i save stret wanem filing blong yumi. Hem bae i helpem yumi winim eni jalenj. Ol had samting we yumi fesem long laef ia i save helpem yumi kam moa olsem Jisas Kraes sapos yumi tanem yumi go long Kraes.

Gospel ia i helpem blong yumi luk yumi olsem we Papa long Heven i luk yumi. Tru long fet blong yumi long Jisas Kraes, ol hadtaem blong yumi oli save kam ol blesing. !Blong save huia yu mo olsem wanem God i luk yu, bae i blesem eniwan nomata hamas yia hem i gat!

Taem yumi kam blong andastanem huia yumi olsem pikinini blong God, bae yumi save lukluk nomo i go long huia Papa long Heven i wantem yumi blong kam. Bae yumi fesem ol jalenj blong yumi wetem Hem. Iven sapos yumi no stret evriwan mo bae yumi mekem ol mistek, yumi save faenem hop long save ia se yumi ol pikinini blong God.

Faenem Ol Fevret

Yumi evriwan i defren. Yumi gat ol defren talen, ol samting we yumi laekem, mo no laekem. !Be yumi evriwan i ol pikinini blong God!

Yusum ol aedia we i help blong kasem stret ansa, blong fulumap jat ia mo faenemaot wanem wanwan long ol fren ia oli laekem. Aedia we i help blong kasem stret ansa: Putum wan X long wanem yu save se i no tru. Faswan oli mekem blong yu. Taem yu finis, wanwan laen i sud gat wan emti skwea!

Piano pleia i no blong Amara o Jade.
Max i no laekem matematik.
I nogat wan long ol boe i plei wan miusik tul o karate.
Gel we i laekem ol animol i no Amara.
Kai hem wan nomo we i laekem basketbol.

Pikja

PDF

Pikja droing i kam long Sabrina Gabrielli