“Flaoa blong Neba blong Mi,” Fren, Septemba 2024, 38.
Man we i Raetem i You
Flaoa blong Neba blong Mi
Samfala yia i pas, man blong neba blong mi i ded. Hem i harem nogud tumas.
Mi save se i filim olsem wanem taem yu lusum wan we lavem. Taem mi gat 3 yia, mama blong mi i ded. Afta we hem i ded, ol pikinini long eria blong mi oli raetem ol not i kam long brata blong mi mo mi mo flasem yad blong mifala wetem ol pleplei. Mi wantem mekem wan samting we i naes olsem long neba blong mi.
Mi prea from wanem nao mi save mekem blong helpem hem. Wan tingting i kam long maen blong mi blong givim hem flaoa long Valentaen Dei. Be, mi nidim blong kasem sam mane blong pem ol flaoa. Mi putum olsem wan gol insaed long Gaedbuk blong ol Pikinini blong kasem sam mane.
Mi kasem sam mane taem mi wok long plante defren wok. Apu woman blong mi pem mi taem mi klinim garen blong hem mo ol lif long yad blong hem. Long haos, mi kasem sam mane taem mi wasem tul haos blong mifala. I tekem manis blong hadwok blong gat inaf mane.
Be long en mi gat inaf mane blong go long wan stoa mo pem ol flaoa. Valentaen Dei i kam, mo mi givim long neba blong mi ol flaoa ia wetem wan not. Hem i glad tumas. Mi filim wom mo hapi tu. Mi talem tangkyu long Papa long Heven blong helpem mi mekem wanem Hem i wantem mi blong mekem.
Ol pikja droing oli kam long Dave Klüg