“Wanem I Stap long Maen blong Yu?” Fren, Sept. 2024, 39.
?Wanem I Stap long Maen blong Yu?
Mi no laekem blong traem niufala samting from oltaem bae mi mekem mistek. ?Wanem bae mi mekem?
—Perfect long Panama Siti
Dia Perfect,
Maet bae yu ting se sapos yu no mekem evri samting i stret evriwan, yu no winim wan samting. !Be hemia i no tru! Tru samting i we, ol mistek i save helpem yu lan mo gro.
Papa long Heven i helpem yumi blong lanem smol afta smol bakegen (luk long Doktrin mo Ol Kavenan 98:12). Yu no lukluk nomo blong kam stret evriwan, traem blong gro kam antap mo sloslo kam moa olsem Hem. Lukaotem ol samting we yu save mekem gud o yu gud long hem. Traem blong jenisim ol nogud tingting abaot yuwan i go long ol gudfala tingting. Moa impoten samting i we, taem yu mekem wan mistek—o iven 20 mistek—pulum gud win, talem wan sot prea, mo gohed bakegen!
Wetem lav,
Fren
Tanem Ol Olbaot Droing Ia i go long Wan Art.
Wan man i statem ol droing ia be i givap taem hem i tingting se hem i no gud inaf. Yusum tingting blong yu blong finisim wanwan droing ia. Bae yumi luk wanem bae i hapen taem !yumi stap gogohed!
Pikja droing i kam long Josh Talbot