“Wan Storian wetem Tiankum abaot Ol Skripja,” Fren, Septemba, 2024, 40–41.
Wan Storian wetem Tiankum abaot Ol Skripja
Tiankum blong Fiji. Mifala i bin askem hem sam kwestin abaot olsem wanem hem i bin lan long Buk blong Momon.
Talem long mifala abaot yuwan.
Mi mi gat naen yia mo mi smol wan aot long ol sikis pikinini. Fevret kala blong mi hem i red, mo fevret kaekae blong mi hem i kari jiken wetem raes. !Mi laekem blong plei ragbi! Wan samting i spesel abaot nem blong mi. Fas nem i kam long wan soldia blong Buk blong Momon, seken nem blong mi i kam long anggel blong mi long Naejeria, mo las nem blong mi blong Fiji.
?Wanem nao yu lanem aot long ol skripja?
Mi lavem blong ridim skripja wetem famli blong mi. Mifala i stadi long ol lesen blong Kam Folem Mi tugeta. Mi laekem blong lanem niu stori evri wik. Mifala tokbaot wanem mifala lanem mo serem ol testemoni blong mifala long wanwan long mifala. Taem mi ridim olgeta skripja, mi laekem blong pikjarem mi insaed long ol stori ia.
?Olsem wanem nao ol skripja ia i helpem yu?
Ol skripja oli rimaenem mi long mi strong mo gat strong tingting mo blong prea from kamfot. Taem mi fraet o mi stap miwan, Mi save se Tabu Spirit bae i oltaem givim kamfot long mi.
?Wanem nao fevret stori blong yu long Buk blong Momon?
Fevret stori blong insaed long Buk blong Momon i stori blong Tiankum from hem i wan bigfala lida mo wari. Hem i bin faet from famli blong hem, ol fren blong hem, mo Jos. Mi save se bae mi save kam olsem hem, mo oltaem faet from wanem mi lavem moa.
?Wanem advaes bae yumi givim long wan man we i stap fesem hadtaem blong andastanem ol skripja?
Sapos wan i stap traehad blong lan long olgeta skripja, oli save askem mama o papa blong hem o iven ol brata o sista blong hem blong helpem olgeta. Famli blong mi oli rili helpem mi. Yu save askem wan Praemeri tija o lida long jos!
Ol pikja oli kam long Augusto Zambonato