Skripja Riding Jen

Pikja

skripja jen

Ol skripja oli save help blong givim kamfot mo lav long yumi we i kam long Papa long Heven. Yu save mekem wan jen blong ol skripja blong ridim taem yu wari o yu harem nogud.

Ol pepol sep ia i gat sam long ol skripja ves we yu save yusum. Yu save ademap ol fevret skripja ves blong yu tu.

Askem wan papa o mama o wan Praemeri lida blong i helpem yu!

Mekem wan lis blong ol fevret skripja ves.
Insaed long skripja blong yu, faenem fasfala ves long lis blong yu. Yusum wan kala pensel blong kala ol ves ia.
Long saed blong hem, raetem daon skripja refrens ( o namba blong pej, sapos hem i isi long yu) blong nekis skripja ves long lis blong yu. Afta go long ves ia mo kalarem tu.
Gogohed blong kalarem ol ves ia mo raetem daon refrens blong nekis skripja. Taem yu kalarem laswan long lis blong yu, raetem daon skripja refrens blong fas skripja we yu kalarem.

Jon 14:27: “Mi mi putum pis blong mi i stap wetem yufala: mo pis ya we mi mi givim i no olsem pis we ol man blong wol oli save givim. Yufala i no letem tingting blong yufala i trabol, yufala i no fraet.”
Doktrin mo Ol Kavenan 68:6: “Yufala i stap glad, mo yufala i no fraet, from we mi Lod, mi stap wetem yufala, mo bae mi stanap wetem yufala.
Ol Proveb 3:5: “Trastem Lod wetem ful hat blong yu.”
D&K 121:7: “Pis i stap long sol blong yu; ol samting we oli kam agensem yu mo ol hadtaem blong yu, oli blong smol taem nomo.”
D&K 45:62: “From i tru, mi talem long yufala, se ol bigfala samting oli wet long yufala.
Ol Proveb 3:24: “Mo long naet, taem yu go long bed blong yu, bambae yu save slip gud, we yu no save fraet.”