Pyetje dhe Përgjigje

“Të gjithë miqtë e mi luajnë videolojëra të klasifikuara për adoleshentë, por unë zgjedh që të mos luaj. A janë të mira lojërat e klasifikuara për adoleshentë?”

“Natyrisht është mirë të shohësh zbavitje të dobishme ose të marrësh informacion interesante. Por jo çdo gjë e këtij lloji ia vlen atë pjesë të jetës sonë që japim për ta marrë atë. Disa gjëra janë më të mira dhe të tjera janë më të mirat.”

Presidenti Dallin H. Ouks, Këshilltar i Parë në Presidencën e Parë, konferenca e përgjithshme e tetorit 2007 (Ensign ose Liahona, nëntor 2007, f. 105).

Standardet e Botës

“Edhe unë zgjedh të mos luaj lojëra të klasifikuara për adoleshentë. Disa prej tyre mund të jenë zbavitëse, por kurrë nuk e dini se çfarë mund të ndodhë. Unë luaj lojëra zbavitëse me familjen time dhe ndihem më mirë që nuk luaj videolojëra të klasifikuara për adoleshentë. Standardet që ka bota sot, nuk janë të barabarta me standardet e Perëndisë dhe unë dëshiroj të jem si Ai.”

Pejton D., 13 vjeçe, Nevada, SHBA

Dëgjojeni Shpirtin

“A kanë videolojërat gjuhë vulgare apo mungesë modestie? Ne duhet të përpiqemi t’i shmangim këto, sepse këto gjëra e largojnë Shpirtin. Dhuna gjithashtu mund ta largojë Shpirtin. Merrni parasysh me kujdes dhe plot lutje nëse mund ta ndieni apo jo Shpirtin në jetën tuaj kur jeni duke i luajtur këto lojëra rregullisht.”

Miriana B., 18 vjeçe, Uashington, SHBA

Përfaqësues të Jezu Krishtit

“Është e rëndësishme të kujtojmë se ne kemi marrë mbi vete emrin e Jezu Krishtit, prandaj ne jemi përfaqësues të Tij. Në çdo gjë që bëjmë, ne duhet ta pyetim veten nëse po veprojmë ashtu siç do të vepronte Ai dhe nëse po e sjellim veten tonë më pranë Tij.”

Brendon K., 17 vjeç, Ohajo, SHBA

Mirë, Më e Mirë dhe Më e Mira

“Ne duhet të kujtojmë se ka gjithmonë gjëra të mira, më të mira dhe më të mirat që mund të jemi duke parë, duke luajtur dhe duke dëgjuar. Edhe pse mund të ishim duke bërë gjëra më të këqija, ne gjithashtu mund të ishim duke bërë ndoshta më shumë gjëra të shëndetshme dhe lartësuese.”

Esh H., 17 vjeç, Virxhinia, SHBA

Si do të Ndihej Shpëtimtari?

“Kur zgjedh si të argëtohem, pyes veten nëse Shpëtimtari do të ndihej rehat po të shikonte apo luante me mua. Nëse përgjigjja është jo, atëherë unë nuk e përdor atë formë argëtimi, pavarësisht nga klasifikimi i saj. Ka shumë lojëra të mira që mund të jenë zbavitëse e sfiduese dhe prapë e ftojnë Shpirtin që të jetë me ne.”

Brixhid D., Kaliforni, SHBA

Përgjigjet synojnë të japin ndihmë dhe këndvështrim, nuk jepen si deklarime zyrtare të doktrinës së Kishës.

Çfarë Mendon Ti?

Jam 16 vjeç dhe të gjithë njerëzit përreth meje kanë krijuar një lidhje, ndërsa unë jo. Ndihem i mënjanuar. Çfarë duhet të bëj?

Dërgojeni përgjigjen dhe fotografinë tuaj deri më 15 shkurt 2021.

Shkoni te ftsoy.ChurchofJesusChrist.org, klikoni te “Submit Your Work” [“Dorëzoni Punimin Tuaj”]. Nënshkruajeni hyrjen në Llogarinë tuaj të Kishës dhe më pas përzgjidhni “For the Strength of Youth” [“Për Forcën e Rinisë”] nën “Choose Magazine” [“Zgjidh Revistën”]. Klikoni tek “Add File” [“Shto Material”] që të përzgjidhni materialin dhe fotografitë tuaja dhe më pas klikoni te “Submit” [“Dorëzo”] për ta ngarkuar dhe për të na e dërguar materialin tuaj. Ose dërgoni një mesazh elektronik te [e-mail].