“I-konektar,” Alang sa Kalig-on sa mga Kabatan-onan, Peb. 2021, sulod nga atubangang hapin.
I-konektar
Maximiliano B.
16, Argentina
Litrato pinaagi ni German Sittner
Nalingaw gayud ako sa pagtakda og mga tumong alang sa bag-ong programa sa Kabataan ug Kabatan-onan. Naningkamot ko sa paghimo og mga tumong nga makatabang kanako sa akong inadlaw-adlaw nga kinabuhi, apan kasagaran nagtutok ko sa mga tumong nga makatabang kanako sa pagpangandam alang sa misyon. Naghimo ko og mga tumong nga modapit og usa ka higala ngadto sa usa ka kalihokan sa Simbahan, makapasar sa akong mga klase sa eskwelahan, mag-ehersisyo kaduha sa usa ka semana, ug mopalambo sa akong pagtambong sa seminary. Natuman na nako ang pipila niining mga tumong ug mahinamon kaayo ko kabahin niini. Nindot kaayo nga makita nga dako na kaayo ang akong kausaban.
Kining tanan nakaimpluwensya og dako sa akong kinabuhi tungod kay karon, dili lang kamo mobuhat og usa ka kalihokan, mosulat niini, ug mao na kana. Kini nakatabang kanako nga molambo ug mausab ang tanang lain-laing mga bahin sa akong kinabuhi. Ang mga tumong, ilabi na kadtong mga espirituhanon, nakatabang kanako nga magpabiling lig-on atol niining malisud nga mga panahon, diin nasayud ko nga makatabang usab kanako samtang tua ko sa akong misyon. Ug sa pipila ka paagi, ang usa ka misyon wala magpasabut nga gituyo nga molungtad lang og duha ka tuig apan alang sa tibuok ninyong kinabuhi, mao nga nasayud ko nga kon magpadayon kong maningkamot ug magpabiling masulundon, kining tanan gayud makaapekto kanako hangtud sa kahangturan.