“Wala kaayo koy nasabtan sa mga kasulatan. Unsaon nako nga mas makat-on pa gikan sa pagbasa sa kasulatan?” Alang sa Kalig-on sa mga Kabatan-onan, Peb. 2021, 28–29.
Mga Pangutana ug Mga Tubag
“Wala kaayo koy nasabtan sa mga kasulatan. Unsaon nako nga mas makat-on pa gikan sa pagbasa sa kasulatan?”
Pangutana ug Pangitaa
“Pangutana sa imong mga ginikanan, mga lider, ug pamilya. Makatabang sila kaninyo sa pagsabut. Apan ilabi na, pag-ampo sa Langitnong Amahan ug hangyoa Siya sa pagtabang kaninyo. Dayon samtang magbasa kamo, pangitaa ang bililhon nga mga kahibalo ug panabut nga mopabati kaninyo og kainit.
Lolade O., 15, Québec, Canada
Hinay-Hinay Lang
“Usa ka maayong paagi aron mas makat-on pa gikan sa inyong pagtuon sa kasulatan mao ang pagbasa og usa ka tudling gikan sa usa ka linya ngadto sa sunod nga linya. Mahimo usab kamong mangita og footnote o maghunahuna kon sa unsang paagi kana nga kasulatan may kalabutan sa inyong kinabuhi.”
Shane S., 13, New Mexico, USA
Isulat ang Espiritwal nga mga Pag-aghat
“Alang kanako, ang pag-ampo sa dili pa magtuon ug ang pagsulat sa mga ideya nga mosantup sa akong hunahuna makatabang gayud nako nga mahimong personal ug masabtan ang mga kasulatan. Ako adunay usa ka gamay nga journal diin gisulat nako ang akong mga hunahuna samtang nagbasa ko. Nakatabang kini kanako sa pagsabut ug paghigugma sa mga kasulatan.”
Lindsay C., 16, Oregon, USA
Mga Video sa Basahon ni Mormon
“Nagsugod ko sa pagtan-aw sa mga video sa Basahon ni Mormon, ug mibati gayud ako sa Espiritu. Gigamit nako ang mga kasulatan dungan sa video. Kon naglisud kamo sa pagkat-on o pagtuo sa mga kasulatan, ang Ginoo motabang kaninyo, bisan kon kamo wala masayud niini. ”
Aidan D., 11, Nebraska, USA
Mga Kapanguhaan sa Dali, Sunod Kanako
“Gamita ang manwal nga Dali, Sunod Kanako! Kasagaran maglisud ko sa paghimo sa akong pagtuon sa kasulatan nga makahuluganon, apan pinaagi sa paggamit sa mga kapanguhaan nga anaa sa manwal, nakasabut ko sa unsay akong gibasa. Sukad nagsugod ko sa paggamit sa Dali, Sunod Kanako sa akong pagtuon sa kasulatan, mas nakasabut ko sa mga kasulatan ug sa akong Langitnong Amahan.”
Monique B., 18, Utah, USA