“Gusto kong maminaw sa tingog sa Ginoo sa akong kinabuhi. Unsaon man nako sa pagkahibalo nga ako naminaw Kaniya?” Alang sa Kalig-on sa mga Kabatan-onan Peb. 2021, 29.
Mubo ug Direkta
Unsaon nako sa pagkahibalo nga ako naminaw sa tingog sa Ginoo sa akong kinabuhi?
Si Presidente Russell M. Nelson midapit kanato sa “paghunahuna og maayo ug sa kanunay” mahitungod kon unsaon nato sa pagpaminaw ni Jesukristo ug sa “paghimo og mga lakang sa pagpaminaw Kaniya nga mas maayo ug mas kanunay” (“‘Unsaon Man Nimo sa #Pagpaminaw Kaniya?’ Usa ka Espesyal nga Imbitasyon,” Peb. 26, 2020, blog.ChurchofJesusChrist.org).
Makapaminaw kita Kaniya pinaagi sa mga kasulatan ug sa mga pulong sa mga propeta. Apan dili lang ang pagpaminaw o pagbasa sa mga pulong ang labing importante. Pinaagi ni Propeta Joseph Smith, ang Ginoo mipasabut:
“Kini mao ang akong tingog nga namulong [niini nga mga pulong] nganha kanimo; kay sila gihatag pinaagi sa akong Espiritu nganha kaninyo … ;
“Busa, kamo makapamatuod nga kamo nakadungog sa akong tingog ug nahibalo sa akong mga pulong” (Doktrina ug mga Pakigsaad 18:35–36).
Dugang pa, ang pagtinguha aron makapaminaw Kaniya dili usa ka butang nga panagsaan ra natong buhaton. Si Presidente Nelson miingon, “Kinahanglan kini og tininuod ug makanunayon nga paningkamot” (“Paminaw Kaniya,” Abr. 2020 kinatibuk-ang komperensya sa [Liahona, Mayo 2020, 89]).
Samtang magtuon kamo, mag-ampo, mosimba, moserbisyo, ug mosunod sa mga sugo sa Ginoo, Siya mopanalangin kaninyo uban sa Iyang Espiritu ug, pinaagi sa Pag-ula ni Jesukristo, mousab kaninyo. Dayon kamo masayud nga kamo nakapaminaw sa Iyang tingog.