“Ako Siyang Makita Pag-usab,” Alang sa Kalig-on sa mga Kabatan-onan, Abr. 2021, 27.
Lig-on nga mga Pundasyon
Ako Siyang Makita Pag-usab
Paghulagway pinaagi ni Emily Davis
Dihang namatay ang akong lola, naguol kaayo ko nga dili na siya ikauban pa. Lisud kadto nga wala siya dinhi.
Nagtambong ko sa usa ka simbahan nianang higayuna, apan mibati ko nga dunay usa ka butang nga kulang. Gusto kong masayud pa og dugang kabahin sa akong lola kon asa siya human niining kinabuhia. Usa ka adlaw nakahukom ko nga mag-ampo ug mangayo sa Dios og tabang.
Nakadawat ko og tubag human sa duha ka adlaw sa dihang akong nahimamat ang duha ka misyonaryo sa Ang Simbahan ni Jesukristo sa mga Santos sa Ulahing mga Adlaw. Sa una namong panagkita, sila mitudlo kanako nga ang Langitnong Amahan ug ang Iyang Anak, si Jesukristo, adunay plano sa kalipay alang sa matag usa kanato ug ang kamatayon dili permanente. Mihukom ko nga ipadayon ang pakigkita sa mga misyonaryo, ug pipila ka semana ang milabay midesisyon ko nga magpabunyag. Usa ka bulan ang milabay ang akong mama ug ang akong igsoong lalaki nabunyagan usab.
Karon hapit nako mag-17 anyos, ug ako naghinam-hinam na nga moserbisyo og misyon sa umaabot nga adlaw ug motrabaho sa pagdala sa mga tawo paduol ngadto ni Kristo—sama sa gibuhat sa mga misyonaryo nako.
Ang mahilayo sa akong lola lisud. Apan ang pagkahibalo nga ang mga pamilya mahimong mag-uban hangtud sa kahangturan tungod ni Jesukristo ug sa buhat nga gihimo sa mga templo naghatag kanako og kalinaw ug hingpit nga kalipay!
Lucas R., Sao Paulo, Brazil