“Unsaon nako nga mapabilin nga limpyo ang akong mga hunahuna gikan sa negatibong mga impluwensya sa akong palibot?” Alang sa Kalig-on sa mga Kabatan-onan, Abr. 2021, 30–31.
Mga Pangutana & Mga tubag
“Unsaon nako nga mapabilin nga limpyo ang akong mga hunahuna gikan sa negatibong mga impluwensya sa akong palibot?”
Pagkahimong usa ka Ehemplo
“Pipila sa akong mga higala usahay mogamit og binastos o malaw-ay nga bokabularyo. Kon ang dili maayong mga pulong mosulod sa akong hunahuna, maningkamot ko sa paghinumdom nga ako usa ka saksi ni Jesukristo sa tanang panahon ug nga ako kinahanglan gayud nga mahimong usa ka maayong ehemplo ngadto sa akong mga higala. Gusto nakong ipahayag ang akong kaugalingon sa paagi nga buhaton ni Jesukristo.”
Naobi L., 16, Siyudad sa Mexico, Mexico
Pulihi ang mga Hunahuna
“Si Presidente Boyd K. Packer kausa mipasabut sa unsang paagi ang atong hunahuna sama sa usa ka entablado [tan-awa sa Okt. 1973 nga kinatibuk-ang komperensya]. Adunay usa ka igong lugar alang sa usa ka butang nga maka-dula sa entablado sa usa ka higayon. Kon kamo mobati og hugaw nga mga hunahuna, sulayi sa paghunahuna mahitungod sa balaan nga mga butang! Kini mahimo nga mopuli sa bisan unsa nga anaa sa inyong entablado. Unsay nakatabang nako mao ang pagkanta sa mga awit sa Primary. Mahimong maghunahuna ko niini o hilom nga maglaylay niini.”
Alyssa F., 17, Washington, USA
Mangandam sa Umaabut nga Panahon
“Buhaton nako ang akong labing maayo nga tugutan lang ang limpyo ug makapabayaw nga media sa akong kinabuhi aron kon ang tawo mogamit og dili limpyo nga pinulongan, ako adunay maayo nga mga hunahuna nga magamit. Ako usab palibutan ang akong kaugalingon sa mga higala kinsa managsama nako og sumbanan. Mas mahimo kining sayon sa pagpili sa husto ug dili mobati nga matintal sa paggamit og dili limpyo nga pinulongan o maghunahuna og dili limpyo.”
Nathan Z., 13, Utah, USA
Maminaw sa Maayong mga Butang
“Usa ka paagi nga atong matangtang ang dili limpyo nga pinulongan sa atong mga hunahuna mao ang pagpaminaw sa musika nga makapahimuot sa Langitnong Amahan sama sa mga himno. Ang pagpaminaw sa mga kasulatan makatabang usab kanato sa atong personal ug pamilya nga mga pagtuon. Usab, ang pagpaminaw sa mga pakigpulong sa komperensya makatabang kanato nga makapunting sa pagdungog sa mga pag-aghat gikan sa Espiritu.”
Sandra M., 17, El Salvador
Motan-aw sa Langitnong Amahan
“Naningkamot ko nga pulihan ang negatibo o dili limpyo nga hunahuna sa usa ka positibo nga mga butang pinaagi sa paghunahuna og butang nga makalingaw nga akong gilantaw. Kon maghunahuna ka og butang nga positibo ug makapabayaw, inyong mahashas ang mga negatibo! Kon maghunahuna kamo sa inyong Langitnong Amahan ug sa inyong Manluluwas, kamo makakaplag sa kalig-on ug gahum sa pagsalikway sa dautang mga hunahuna.”
Breelynn S., 12, Georgia, USA