“Siya Buhi!” Alang sa Kalig-on sa mga Kabatan-onan, Abr. 2021, 32.
Pagtulun-an human sa usa ka Pagtulun-an
Siya Buhi!
Si Propeta Joseph Smith mihatag og moderno nga pagsaksi sa nabanhaw nga si Jesukristo.
Siya buhi!
Ang mga propeta ug apostoles mga saksi ni Jesukristo. Sila nagsaksi nga Siya nag-antos, namatay, ug nabuhi pag-usab karon.
Kami nakakita kaniya
Niadtong Pebrero 16, 1832, si Joseph Smith ug si Sidney Rigdon nakakita ni Jesukristo sa usa ka panan-awon.
Tuo nga kamot
Sa mga kultura sa Biblia, ang tuo nga kamot mao ang dapit sa pasidungog diha sa usa ka kumbira o balaan nga okasyon. Kasagaran gihatag kini ngadto sa manununod sa gingharian o sa balay.
Ang Bugtong Anak sa Amahan
Si Jesukristo natawo dinhi sa yuta. Si Maria mao ang Iyang inahan, ug pinaagi sa usa ka milagro, ang Langitnong Amahan mao ang amahan sa Iyang pisikal nga lawas. Si Jesukristo mao lamang ang tawo nga natawo niini nga paagi. Nakatabang kini sa paghimo Kaniya nga mahimo natong Manluluwas.
Ang mga kalibutan nalalang
Si Jesukristo mao ang Tiglalang. Siya ang milalang niini nga kalibutan ug sa ubang kalibutan.
Ang mga lumulupyo niana
Adunay mga anak ang Langitnong Amahan sa ubang mga kalibutan, ug si Jesukristo mao usab ang ilang Manluluwas.