“O Le A Ou Toe Vaai Ia Te Ia ,” Mo le Malosi o le Autalavou, Ape. 2021, 27.
Faavae Mautu
O Le A Ou Toe Vaai Ia Te Ia
Ata na tusia e Emily Davis
Ina ua maliu lou tinamatua, sa ou lagona le faanoanoa tele e uiga i le le toe faatasi ma ia. Sa faigata ona le i ai o ia iinei.
Sa ou auai i se lotu i lena taimi, ae sa ou lagonaina sa misi ia te au se mea. Sa ou fia iloa atili po o fea o le a alu i ai lou tinamatua pe a mavae lenei olaga. I se tasi aso sa ou filifili ai e tatalo ma ole atu i le Atua mo se fesoasoani.
Sa ou mauaina se tali i ni nai aso mulimuli ane ina ua ou feiloai i ni faifeautalai se toalua O Le Ekalesia a Iesu Keriso o le Au Paia o Aso e Gata Ai. I la matou fonotaga muamua, sa la aoaoina au e faapea, o le Tama Faalelagi ma Lona Alo, o Iesu Keriso, ua i ai se fuafuaga o le fiafia mo i tatou taitoatasi ma e le tumau le oti. Sa ou filifili e faaauau pea le feiloai atu i faifeautalai, ma i ni nai vaiaso mulimuli ane sa ou faia ai se faaiuga ou te papatiso. O se masina mulimuli ane sa papatisoina ai foi lou tina ma lou uso.
O lea la ua toeitiiti atoa lou 17 tausaga, ma ua ou fiafia lava e auauna atu i se misiona i se aso ma galue e aumai tagata ia latalata atili ia Keriso—e pei lava ona faia e faifeautalai mo au.
O le tuueseese mai lou tinamatua e faigata. Ae o le iloaina e mafai ona faatasi aiga e faavavau ona o Iesu Keriso ma le galuega e faia i totonu o malumalu, e aumaia ia te au le filemu ma le olioli!
Lucas R., Sao Paulo, Pasila