Tuusao i le Mataupu

O le a le tulafono o le faapaiaga? E faapefea ona aafia ai au?

O le tulafono o le faapaiaga o se mataupu faavae e tuuina atu e le Alii i Lona nuu o le feagaiga. Ina ia ola ai i lenei mataupu faavae, e tuuto atoatoa atu e alii ma tamaitai i latou lava i le fausiaina o le malo o le Atua ma faamautinoa o loo “leai se mativa i totonu o i latou” (Mose 7:18). Latou te tuuina atu o latou taimi, taleni, ma punaoa faaletino e auauna atu ai i le Alii, Lana Ekalesia, ma Ana fanau.

I uluai aso o le Ekalesia toefuataiina, na faatonuina ai e le Alii Iosefa Samita i se auala patino lava e tatau ona ola ai le Au Paia i lenei tulafono (tagai Mataupu Faavae ma Feagaiga 42:30–42). Sa tatau i le Au Paia ona “faapaia” (ositaulaga pe foai atu) a latou meatotino i le Ekalesia i le tuuina atu i le epikopo. Ona ia toe tuuina atu lea o mea latou te manaomia (o la latou “tausimea”). O le vaega o totoe sa faaaoga e fesoasoani i e matitiva.

O le taimi nei, ua eseese auala ua tatou ola ai i lenei tulafono. Mo se faataitaiga, tatou te auauna atu i isi, talia valaauga ma tofiga i le Ekalesia ma fai le mea sili tatou te mafaia, ma totogi se sefuluai atoa ma se taulaga anapogi limafoai. A tatou faia mea ua faatonuina i tatou e perofeta ma le Agaga Paia e fai e fausia ai le malo o le Atua ma fesoasoani i e le tagolima, o loo tatou ola i le tulafono o le faapaiaga.