“O Loo Soifua o Ia!” Mo le Malosi o le Autalavou, Ape.2021, 32.
O lea Fuaitau i luga o lea Fuaitau
O Loo Soifua o Ia!
Na tuuina mai e le Perofeta o Iosefa Samita se molimau o ona po nei ia Iesu Keriso toetu.
O loo Soifua o Ia!
O perofeta ma aposetolo e molimau ia Iesu Keriso. Latou te molimau mai na puapuagatia o Ia, na maliu, ma o loo toe soifua nei.
Na ma vaai ia te ia
O Fepuari 16, 1832, sa vaaia Iosefa Samita ma Sini Rikitone ia Iesu Keriso i se faaaliga.
Aao taumatau
I aganuu o le Tusi Paia, o le lima taumatau sa o le nofoaga lea o le mamalu i se taimi o taumafataga po o se sauniga mamalu. Sa masani ona tuuina atu i le suli o le malo po o le maota.
O le Alo e Toatasi na Fanaua o le Tama
Sa fanau Iesu Keriso i le lalolagi. O Maria o Lona tina, ma na ala i se vavega, o le Tama Faalelagi o le tama o Lona tino faaletino. O Iesu Keriso na o le pau lea o le tagata e toatasi na fanau mai i lea auala. O lenei mea na fesoasoani e mafai ai ona avea o Ia ma o tatou Faaola.
Ua i ai lalolagi ma sa foafoaina
O Iesu Keriso o le Foafoa. Na Ia foafoaina lenei lalolagi ma isi lalolagi.
Tagata o nonofo ai
O loo i ai fanau a le Tama Faalelagi i isi lalolagi, ma o Iesu Keriso o lo latou Faaola foi.