“Te u Toe Mamata Kiate Ia,” Ki Hono Fakamālohia ʻo e Toʻu Tupú, ʻEpeleli 2021, 27.
Ngaahi Makatuʻunga Mālohí
Te u Toe Mamata Kiate Ia
Tā fakatātaaʻi ʻe Emily Davis
ʻI he taimi ko ia naʻe pekia ai ʻeku kuifefiné, naʻá ku loto-mamahi ʻaupito ʻi he ʻikai ke u toe fakataha mo iá. Naʻe faingataʻa ʻa e ʻikai ke ne ʻi hení.
Ne u maʻulotu he taimi ko iá, ka ne u ongoʻi ne ʻi ai ha meʻa ne mole meiate au. Naʻá ku fie ʻilo lahi ange ki he feituʻu ʻe ʻalu ki ai ʻeku kuifefiné hili ʻa e moʻui ko ʻení. Ne u fakakaukau ʻi ha ʻaho ʻe taha ke u lotu ʻo kole tokoni ki he ʻOtuá.
Hili ha ngaahi ʻaho siʻi mei ai, ne u maʻu ha tali ʻi heʻeku fetaulaki mo ha ongo faifekau maʻá e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI heʻemau ʻuluaki fakatahá, naʻá na akoʻi mai kiate au ʻoku ʻi ai ʻa e palani ʻo e fiefia ʻa e Tamai Hēvaní mo Hono ʻAlo ko Sīsū Kalaisí, maʻatautolu takitaha pea ʻoku ʻikai ke tuʻuloa ʻa e maté. Ne u fakakaukau ke kei hokohoko atu pē ʻeku fakataha mo e ongo faifekaú, pea hili pē ha ngaahi uike siʻi mei ai ne u pehē ke u papitaiso. Naʻe papitaiso foki mo ʻeku fineʻeikí mo hoku tuongaʻané hili ha māhina ʻe taha mei ai.
ʻI he taimi ní ʻoku ou mei taʻu 17, pea ʻoku ou fiefia ke ngāue fakafaifekau ʻi ha ʻaho mo ngāue ke ʻomi e kakaí ke nau toe ofi ange kia Kalaisi—ʻo hangē ko ia ne fakahoko ʻe he ongo faifekaú kiate aú.
ʻOku faingataʻa ke mavahe mei heʻeku kuifefiné. Ka ʻoku ʻomi kiate au ʻa e nongá mo e fiefiá ʻi hono ʻiloʻi ko ia ʻe lava ke fakataha ʻa e ngaahi fāmilí ʻo taʻengata koeʻuhí ko Sīsū Kalaisi mo e ngāue ʻoku fakahoko ʻi he ngaahi temipalé!
Lūkasi R., Sao Paulo, Palāsila