“ʻOkú Ne Moʻui!” Ki Hono Fakamālohia ʻo e Toʻu Tupú, ʻEpeleli 2021, 32.
ʻOtu Lea ki he ʻOtu Lea
ʻOkú Ne Moʻui!
Naʻe fakahoko ʻe he Palōfita ko Siosefa Sāmitá ha fakamoʻoni fakaonopooni ki he Sīsū Kalaisi kuo toetuʻú.
ʻOkú Ne moʻui!
Ko e kau fakamoʻoni ʻo Sīsū Kalaisí ʻa e kau palōfitá mo e kau ʻaposetoló. ʻOku nau fakamoʻoniʻi naʻá Ne mamahi, pekia, pea toe moʻui he ʻahó ni.
Naʻá ma mamata kiate ia
ʻI he ʻaho 16 ʻo Fēpueli, 1832, naʻe mamata ʻa Siosefa Sāmita mo Sitenei Likitoni kia Sīsū Kalaisi ʻi ha meʻa-hā-mai.
Toʻukupu toʻomataʻú
ʻI he ngaahi anga fakafonua ʻo e Tohi Tapú, ko e nima toʻomataʻú ko e feituʻu ia ʻo e lāngilangí ʻi ha kātoanga kai pe ha meʻa mamalu naʻe fakahoko. Naʻe faʻa foaki ia ki he ʻea-hoko ʻo e puleʻangá pe falé.
Ko e ʻAlo Pē Taha naʻe Fakatupu ʻo e Tamaí
Naʻe ʻaloʻi ʻa Sīsū Kalaisi ʻi māmani. Ko ʻEne faʻeé ʻa Mele, pea naʻe fakafou ʻi ha mana, naʻe hoko ʻa e Tamai Hēvaní ko e tamai ʻa Hono sino fakamatelié. Ko Sīsū Kalaisi toko taha pē naʻe ʻaloʻi mai ʻi he founga ko ʻení. Naʻe tokoni ʻeni ke Ne lava ai ʻo hoko ko hotau Fakamoʻuí.
ʻOku fakatupu pea naʻe fakatupu ʻa e ngaahi māmá
Ko Sīsū Kalaisi ʻa e Fakatupú. Naʻá Ne fakatupu ʻa e māmani ko ʻení mo e ngaahi maama kehé.
Kakai ʻo iá
ʻOku ʻi ai ʻa e fānau ʻa e Tamai Hēvaní ʻi he ngaahi maama kehé, pea ko Sīsū Kalaisi foki ʻa honau Fakamoʻuí.