“Konek,” Blong Ol Yut Oli Kam Strong Julae 2021, insaed kova long fored.
Konek
Orin S.
17, Britis Kolombia, Kanada
Foto i kam long Christina Smith
Famli blong mi i go mekem wan trip long seling bot, mo oli no bin luk graon blong ova tri wik. Afta long tufala fas wik, wan bigfala win i kasem mifala. Sel blong bot oli brok long win, mo ol wef oli kam brok antap long bot, mekem i draonem gud fored blong bot. Antap long evri samting ia, mifala i nomo gat tumas wota blong dring—mekem se, sapos mifala i laef tru long strong win ia, bae mifala i mas wari yet from wota ia.
Famli blong mi i hip long wan ples nomo blong bot we i drae, mo prea blong kolosap wan aoa. Mi no save se bae mifala i save laef tru long naet, be mi mi bin save se, i nomata wanem, bae mi stap wetem famli blong mi from se mifala i bin sil tugeta.
Taem mifala i bin finis blong prea, mifala i luk se win i go daon mo ol wef oli stop. I no longtaem afta, ren i stap blong foldaon bigwan, we i no hapen oltaem long kaen ples ia long bigfala solwota. Mifala i yusum wan tapolen blong fulumap ol tank blong mifala, mo olsem wan merikel, mifala i bin gat inaf wota blong kasem en blong trip ia.
Eksperiens ia i bin soem long mi hamas nao i gat paoa long prea, mo hamas nao Papa long Heven i stap kea long yumi. Taem mi stap tingtingbak long bigfala win ia, mi save se gospel i tru mo i wan ril samting.