“Stap Kipim Ol Promes blong Yumi,” Blong Ol Yut Oli Kam Strong, Julae 2021, 32.
Las Toktok
Stap Kipim Ol Promes blong Yumi
I kamaot long wan toktok blong jeneral konfrens blong Oktoba 2019.
Ol pikja droing oli kam long Emily Davis
Wan aftenun long yang taem blong mi, mama blong mi i sidaon long leg blong bed blong hem mo tok strong long mi se i impoten blong laef folem Tok blong Waes. Hem i lukluk stret long ae blong mi mo mi filim olsem ol toktok blong hem oli go stret long hat blong mi: “Promesem mi, Ronnie, tedei, se bae yu oltaem laef folem Tok blong Waes.” Mi bin mekem tru promes ia long hem, mo mi bin kipim hemia long evri yia we i pas.
Mo tu, mi bin mekem wan impoten desisen longtaem bifo blong folem ol loa blong God, mo mi neva gobak long desisen ia. Lod i bin talem, “Mi, Lod, mi mas mekem folem promes blong mi taem yufala i mekem wanem mi talem; be taem yufala i no mekem wanem we mi talem, yufala i no gat promes” (Doktrin mo Ol Kavenan 82:10).
Olsem wan Aposol blong Lod Jisas Kraes, mi invaetem yu blong tingting long ol promes mo ol kavenan yu stap mekem wetem Lod mo ol narawan, wetem bigfala tru fasin, mo save se, wanem yu talem, yu mas mekem. Seken, mi promesem yu, taem yu mekem hemia, Lod bae i putumbak ol toktok blong yu mo katemdaon ol wok blong yu taem yu traehad wetem fasin we i no muvmuv blong gohed strong blong bildimap laef blong yu, blong ol famli blong yu, mo Jos Ia blong Jisas Kraes blong Lata‑dei Sent. Bae Hem i stap wetem yu, mo bae yu save wetem strong biliv, lukluk i go fored blong yu “go insaed long heven, blong mekem se [yu] save stap wetem God long wan ples blong hapi we i neva gat en” (Mosaea 2:41).