?Selestial kingdom i rili olsem wanem? Blong Ol Yut Oli Kam Strong, Julae 2021, 31.
Go Stret long Poen
?Selestial kingdom i olsem wanem?
Glori Folem Ol Digri, i kam long Annie Henrie
I nomata se yumi no save evri ditel abaot selestial kingdom, Lod i bin talemaot long yumi, tru long revelesen, sam trutok we oli gat paoa, abaot kingdom ia. Hemia sam long ol samting we yumi save:
-
Blong stap laef long kingdom ia, i minim blong stap laef long ples we Papa long Heven mo Jisas Kraes Tufala i stap long hem, wetem wan bodi we i stret evriwan, i laef bakegen long ded, mo i minim blong stap laef long kaen laef ia we Tufala i stap laef long hem. Laef ia, hem i blong “stap wetem God long wan ples blong hapi we i neva gat en” (Mosaea 2:41) mo gat wan “glad we i fulap gud” (3 Nifae 28:10).
-
Olgeta we oli stap laef long kingdom ia, oli bin “kam stret gud evriwan tru long Jisas” mo “evri samting oli blong olgeta” (Doktrin mo Ol Kavenan 76:59, 69).
-
Kingdom ia i gat glori ia we i moa hae olgeta long evri nara kingdom. Glori blong hem, oli talem se i olsem laet blong san.
-
Ol semfala kaen rilesensip ia we yumi gat long ples, bambae oli stap longwe, mo i tekem tu ol famli rilesensip, be “bae i gat, antap long hem, glori ia we i no save finis” (Doktrin mo Ol Kavenan 130:2).
-
Kingdom ia i gat trifala digri long hem. Digri ia we i hae moa, ol pipol we oli stap long ples ia, oli olgeta ia we oli bin sil tugeta long wan mared we i no save finis, mo oli bin tru long ol kavenan blong olgeta (luk long Doktrin mo Ol Kavenan 131:1–4).
-
Wol ia bambae i kasem wan selestial glori (luk long Doktrin mo Ol Kavenan 88:17–20).