“Ol Prea from Glas blong Swim,” Blong Ol Yut Oli Kam Strong, Julae 2021, 27.
Ol Strong Fandesenwe Oli No Save Muv
Ol Prea from Glas blong Swim
Pikja droing i kam long Toby Newsome
Long wan taem, mi go wetem papa blong mi long Sigatoka, Fiji—wan gudfala ples blong swim long solwota. Papa mo mama blong mi, tufala i divos, mekem se mama i no kam wetem mitufala. Bifo mifala i aot, mama i pem wan pepol glas blong swim. I tru, ol smol glas ia nomo blong swim, be mama i gat tingting se bae mi lukaotgud long glas ia, mo mi tekem i kambak.
Long en blong nambatu dei long Sigatoka, mi luksave se glas blong mi i nomo stap wetem mi. Mi wari nao se mi lusum olgeta long solwota. Fas samting mi mekem, i blong prea se bae mi faenembak glas blong mi. Mi filim pis mo mi bin save se evri samting bae i oraet nomo.
Mi talem nomo long brata blong mi. Hem i no biliv long God, mo plante taem, i poenem fingga long ol bilif blong mi, from se, miwan nomo mi wan memba blong Jos Ia blong Jisas Kraes blong Ol Lata-dei Sent insaed long famli blong mi. Hem i talem: “Yes. Bae yu no save faenembak olgeta.” Mi talem long hem: “Mi prea from, mo mi save se God bae i ansarem prea blong mi.”
Long nekis dei, mifala i swim lukluk insaed long wota. Taem we i taem blong go, mi no faenem glas blong mi yet. Mi akseptem se, maet bae mi no save faenem, mo mi talem tangkyu long Papa long Heven from Hem i mekem hat blong mi i filim gud mo mi bin gat pis.
Nao, brata blong mi i singaot. !Hem i stap holem glas blong swim blong mi!
Brata blong mi i no biliv yet long gospel, be mi mi glad from harem gud, paoa, mo stret save ia we i bin kam taem we mi bin putum fet blong mi long Papa long Heven mo Jisas Kraes.
Shreya S., Suva, Fiji