“Katomaira,” Ibukin Kakorakoraia Kairake, Turai. 2021, inanon te moan baa.
Katomaira
Orin S.
17, British Columbia, Canada
Rawetamnei iroun Christina Smith
A nako au utu n ira te mwananga ni ieie ao aki nora te aba n te maan ae raka iaon teniua te wiiki. Imwiin moan wiiki ake uoua, ti oreaki n te angibuaka ae kaikoaki man rangin ni korakora. E uruaki ara ie n te ang, ao naao a bwaro iaon te teeke, ao ni kaiinakoa moan te booti. Ma ae e rangi ni korakora riki, e a bon kuri ni bane nimara te ran—ma tii ngkana ti kamaiuaki man te angibuaka, e bon tiku anne bwa raraomara.
A ibetutu au koraki ni mwakoron te booti ae mwauu ao n tataro inanon te maan ae kaan reke teuana te aoa. I aki ataia ngkana ti na teimatoa ni maiu n te tairiki anne, ma I ataia bwa, ngkana tao teraa ae riki, n a bootaki ma au utu ibukina bwa ti a tia ni kabaeaki.
Ngke ti a tia n tataro, ti nooria bwa e a kerikaaki te ang ao akea naao. N te tai ae waekoa imwiina, e moanna ni bwaka te karau, are e bon karako bwakana inanon mwakoron te marawa anne. Ti kabongana te taboreen ni kanoai ara tangke ao e kamimi bwa e bon tau te ran ni kabanea kawaira.
Te taneiai anne e kaotia nakoiu aron mwaakan te tataro ao mwaitira ana tararua Tamara are i Karawa ibukira. Ngke I iangoa te angibuaka anne, I ataia bwa e koaua te euangkerio ao bon iai.