“Tataro ibukin Kiraati ni Uaua,” Ibukin Kakorakoraia Kairake, Turai 2021, 27.
Aara ae Matoatoa
Tataro ibukin Kiraati ni Uaua
Kamataataa n te tamnei iroun Toby Newsome
N te taina ao I nako ma tamau nako Sigatoka, Fiji—te tabo ni uaua i taari ae moan te tamaroa. A raure au karo, ngaia are e aki iriira tinara. Imwaain ae ti nako, e kaboa au kiraati ni uaua ae beebo. Ni koauana, bon ti kiraati ni uaua, ma e kantaningaia bwa na tararuai ao ni uoti rikaaki.
Ni banen ara kauoua ni bong i Sigatoka, I ataia ae akea au kiraati n uaua. I raraoma bwa a tia ni bua i taari. Te moan ni bwai ae I karaoia bon te tataro bwa I aonga ni kunei au kiraati ni uaua. I namakina te rau ao I ataia bwa ana bane n nakoraoi bwaai ni kabane.
Ti te aomata ae I kaongoa bon mwaneu. E aki kakoaua te Atua ao e aki toki ni kakewea au koaua ibukina ngkai ti ngai kaain Ana Ekaretia Iesu Kristo ibukiia Aika Itiaki ni Boong aika Kaitira inanon au utu. E taku, “Eng, ko na aki kona ni manga kunei.” I tuangnga, “I tataro ibukina, ao I ataia bwa ana kaekaaki au tataro.”
Te bong are imwiina I waekoa n tarataraa nanon te ran ngke ti tabe n uaua. Ngke e a boo te tai n nako, I tuai man karekei au kiraati ni uaua. I butimwaia ae N na bon aki kona ni karekei ao I kaitaua Tamara are i Karawa ibukin Ana karaunano ao te rau.
Ngkanne mwaneu e waekoa n takarua. E taua ieta kiraati n uaua aika beboo karaia!
Mwaneu e teimatoa n aki kakoaua te euangkerio, ma I kakaitau ibukin te karaunano, te korakora, ao te onimaki are e roko ngke I katuka au onimaki iroun Tamara are i Karawa ao Iesu Kristo.
Shreya S., Suva, Fiji