“Kimwareirein Kosei,” Ibukin Kakorakoraia Kairake, Turai 2021, 12–15.
Kimwareirein Kosei
Te kairake ni mwaane mai i Tiabaan aei e tangiria n tibwaua te euangkerio.
Rawetamnei iroun Getty Images
E katanga te biano. E kabo birimwaaka. E kiba naba n te kiba ae abwabwaaki! Ma tiaki ti aikanne bwaai aika a kakukurei n taekan Kosei H., te ataeinimwaane ae te 17-ana ririki mai Nagasaki, Tiabaan.
“Ngaia te kabanea n nakoraoi ni kairake ni mitinare ae I a tibwa ataia,” e taku Titita Mckenna Frasure, te mitinare ae tibwa oki are e beku i Tiabaan n te tabo are e maeka iai Kosei. “Kosei e aki kona ni katibanakoa ana tai ma mitinare ke ni kakoaua Kristo rinanon waaki ni kakukurei n te Ekaretia ao n te bwai n reitaki,” e taku.
Kosei e iangoia mitinare bwa raoraona aika a rangi ni kinaa. Ao bon akea te bwai ae kamiimi bwa e namakina te aro anne n te tai are ko ataa iai aron kimwareireina n tibwaua te euangkerio.
“Te mwakuri ni mitinare boni ngaia kimwareirein nanou,” e taku Kosei. “Nibwaai e reireiniira ae uaan te kai ni kamaiu ‘boni ngaia te bwai ae moamoa tangiraia nakon tangiran bwaai ni kabane’ (1 Nibwaai 11:22). Tabeman aomata aki kukurei n te uaa aei. E ngae n anne, ngkai ngai naba ae ataa karewerewen te uaa aei, I tangiria n tibwaua te euangkerio ma naake a katobibiai.”
Tibwauakin kakabwaia n te euangkerio e kona n ae ti ana tarena Kosei ae moan te bubura.
Nakoraoi ni Bwaai n Reitaki
Imwiin karaoan te kiraati ibukin te katauraoi irouia mitinare, Kosei e namakina te nano ae korakora riki ni uota kimwareirein te euangkerio nakoia raoraona. E moanna man te aonrain. Teuana te bwai ni mwakuri ae kabongana n tibwaua te rongorongon aika a irekereke ma te euangkerio ao kanoana bon te bwai n reitaki.
Tabeman raoraona a tia ni kaeka nakon baike e katokai n te bwai n reitaki. Temanna raoraona e nakon Kosei ao e taku, “I iai nanou n am ekaretia.”
Raoraona aei bon ana reitaki n te moan tai, ma aia iraorao e waekoa n reitinako. “E moanna ngke e tuangai te kaokoro imarenan ana onimaki ao ngai,” e kabwarabwara Kosei. “E ngae ngke I aki rangi n tataetae ma ngaia, ti riki bwa raao aika tamaroa ngaira imwiin tibwauakin te euangkerio nakoina iaon te bwai n reitaki.”
Takaakaro, Waaki ni Kakukurei, ao te Iraorao ae Akea Tokina
Tiaki ti bwaai n reitaki ae tibwaua iai ana koaua Kosei. Uringa, e rangi n tabetabe maiuna n taian waaki ni kakukurei. Iai ana tai ae bati ni kaitibo ma aomata ao ni karekeia raoraona. Ao e kabonganai taai aikanne n tibwaua kakukurein te euangkerio.
“N te tai teuana I kaoia raoraou n te takakaro nakon te kiraati n te Ingiriti are anga reirei iai mitinare n ana tabo te aro,” e kabwarabwara Kosei. “Ngaia ao mitinare a riki bwa raao aika tamaroa imarenaia ngke e reirei te Ingiriti.”
E ngae n anne, e aki toki te marooro n tain te reirei n te Ingiriti.
“E moanna raoraou n iangoia bwa bukin tera mitinare aikai, aika a kuri n titebo aia ririki mangai, a karaoa te mwakuri n anganano ao ni beku bwa mitinare i Tiabaan. Ana titiraki are imwiina bwa tera ae kaungaa nanoia mitinare bwa ana beku. Ngkai e a ongo aia reirei mitinare ma e teimatoa n reitaki ma mitinare rinanon te reitaki n te witeo.”
N te tai are e taekina te euangkerio ma raoraona, e kataia Kosei ni kabotaua te bwai are e tibwauaia ma te bwai are a tangiria. “Te katooto, I moanna n taetae iaon te bwai ae na riki imwiin te mate, tera te kantaninga ibukin te maiu aei, ke ngkana iai te Atua,” e taku. “Ngkanne I kona ni bitia, ni kaeineti ma te bwai ae mamate nanoia iai.”
Ngaia anne, e ataia bwa tiaki ni kabane aika ana iai nanoia iai. Iai naba kabwakana, n aroia ni kabane. N te bong teuana, imwiin aia titiraki tabeman raoraona nakoina ibukin te Ekaretia, e kataia Kosei n angan temana te beeba ae kabwarabwaraan rongorongon te Ekaretia. “Ma, e birinako raoraoia anne man te kiraatiruum ao ni ngare n takarua nakoiu man te kawai.
“Anne te bwai ae karika nanokawakiu ae korakora,” e taku Kosei.
Ma e aki karika te kaenaena anne ni katoka ana mwakuri. E ataia bwa te bwai are e tibwauaia e na kakabwaiai maiuia n akea tokina nake a ongora.
Te Kimwareirei are E Kakorakora
“I namakina te kimwareirei n ana reirei Kristo,” e taku Kosei. “Ngke I aki atai reirei aikanne, ao n na bon aki karekea te maiu ae kakukurei.”
Ngke e babairei ana waaki ni kakukurei ao nanona aika mwaiti, Kosei e ataa aron taraan bwaai aika moanibwai. “Ana euangkerio Iesu Kristo e uota te kantaninga nakon maiura ao e kaoti bwaai ni kabane aika ti riai ni karaoi,” e taku. “Riki ngkana tiaki kukurei ke n iai ara kangaanga, te tataro e na uota te rau ao ni buokiira ni karekea te kukurei.”
Anne bukina ngkai e korakora nanona n tibwaua te euangkerio n ana tai are e mwaawa iai. E tangiriia tabeman bwa ana rinanon te kukurei ae karekea ni katoa bong! “Au kantaninga man kabin nanou bwa ana mwaiti aomata aika ana karekea aia tai n rinanon te kimwareirei ae koaua aei,” e taku.
Tera ae Kakawaki Riki
Te bwai ae riki, tibwauaan te euangkerio e aki kabanea ana tai ni kabane. Kosei e mwakuri korakora n ana kouru ake tabeua ni maiuna. Ni katoa bong ao e korakora ana kataneiai n te biri ao te kakorakora. Ngkana e tangiria ni motirawa, e katanga te biano. E tatangiria naba n nakon taabo ni kamaangngang ao ni kabanea ana tai ni kukurei ma ana utu. “Nakora nakon taabo ni kamaangngang ma tariu ao mwaneu—N na bon aki mwaninga te tai are a teke iai korara iika ao n amwarake iai!” e taku.
Inanon te waaki, ma n anne, Kosei e teimatoa n reke ana tai ni karaoa te bwai ae kakawaki riki.
Ao e uarereke ana taeka n reirei ibukin temanna are e tangiria ni karaoa naba aekan anne: “Ti karekei kairi ngkana ti kawakin tuua. Ngkana ti karaoia, ti kona ni kakorakoraaki iroun te Uea. Maaku ao nakonano aika korakora a oneaki mwiia ma te kaantaninga ao te aki nano kokoraki. Ngkana ti kauki wiira n aki maama ibukin te euangkerio, aomata ana ataa ana tangira Kristo ao ana kaonaki ma te kimwareirei.”