“Aekakira te abanuea ae te tiretio?” Ibukin Kakorakoraia Kairake, Turai 2021, 31.
Nakon Raoi te Iango
Aekakira te abanuea ae te tiretio?
Karinanin Mimitong, iroun Annie Henrie
E ngae ngke akea iroura kabwarabwaraan raoi te abanuea ae te tiretio, E a tia te Uea ni kaoti tabeua koaua aika a kamataata raoi arona. Aikai tabeua man aika ti atai:
-
Ni maekara ikekei nanona ni maeka ma Tamara are i Karawa ao Iesu Kristo ma rabwatara aika kororaoi, ae a mangauti ao ni maiu n te aeka ni maiu are A maiuakinna. Te maiu aei “bon te aro ni kukurei ae aki totoki” (Motiaea 2:41) ao “bwaninin te kimwareirei” (3 Nibwaai 28:10).
-
Te koraki ake a maeka ikekei a tia ni “kakororaoaki rinanon Iesu,” ao “bon aia bwai bwaai ni kabane” (Reirei ao Berita aika Tabu 76:59, 69).
-
Ngaia te kabanea ni mimitong nakon abanuea nako. Mimitongina kanga aekan ootan taai.
-
Te aeka n reitaki are ti rinanona ikai e na reitinako ikekei, n raonaki ma reitakiia ara utu, ma a na raonaki “ma te mimitong ae akea tokina” (Reirei ao Berita aika Tabu 130:2).
-
Iai teniua mimitongina. Te kabanea n rietaata ni mimitong bon ike a maeka iai aomata ake a tia ni kabaeaki ni bootaki n te mare are akea tokina ao n tia ni kakaonimaki nakon aia berita (taraa Reirei ao Berita aika Tabu 131:1–4).
-
Te aonnaba e na karekea mimitongin te tiretio (taraa Reirei ao Berita aika Tabu 88:17–20).