“7 Bwaai aika bebete nakon te Kakukurei ni Maium,” Ibukin Kakorakoraia Kairake, Turai 2021, 8–11.
7 Bwaai aika bebete nakon te Kakukurei ni Maium
Kawai aika bebete aika ko na karaoi ni katoa bong n raona te maiu ae kakukurei.
Kamaatata n te tamnei iroun Katy Dockrill
“Taraia! I karaoa aio ibukim!” ana taeka natiu te mwane ngke e taua ana tamnei i matau. E ringa bwairiu te bebwa ae e a bon onraake n te kara. E kangaanga noorakin te bwai teuana.
Ngke I kakerikaaka te beebwa, turubakan te kara ae aki oota e a ota.
“Tera am iango?” e titiraki.
E a tia natiu te mwaane ni karaoia inanon aoa aika bati ni korea tamnein are taku bwa tamneira ni kauoman—ma ti irau ae aki babobo.
E aki bati n tau ae buraun irou, e ibuobuoki ni kamaatata. “Ao irarikina te babobo bon te kara ae tamaroa riki.”
Ngke I kaniia n taraa ana bwai ae karaoia, I kona n ata ana tangira natiu te mwaane ngke korea te tamnei aio. I aki kona ni wareki mwaitin tanetanen te burati. E rangi ni mwaiti. Ao e bon kakoaua, I taraa n rangi ni kukurei—n reitia ma te ira ae baabobo.
Iangoa te tamnei ae ko a tia n nooria. Ko kona n nooria ikanne akea tanetanen mwin teaina te burati are karika tamaroana. Te koaua, ngkana ko taraa tanetanen mwiin teaina te burati n tii ngaia, ao e bon aki anainano. Engae n anne, ngkana ko booti ni kabane, ko karaoa te mwakuri ae kakukurei.1
Ukoukoran te kukurei n te maiu bon aekan te korotamnei. Iai aika uarereke, tanetanen mwiin te burati ae nanonaki, ke mwakuri ni katoa bong, ti kona ni karaoa te maiu ae onrake n te kukurei. Karaoakina i bon irouia ke karaoaki tii n te taina, bwaai aikai a aki taraa n raka aroia. Ma ngkana ti ikotii man ikotii ni katoa bong ao mwakuriaia ni katoa wiiki, a kona ni karika te maiu ni kukurei ae uatao.
Aikai bwaai aika 7 aika bebete ke mwakuri are ko kona ni karikirakea karikan riki te kukurei inanon maiumi.
Tanetanen te Burati 1: Memena irarikiia aomata aika Karika te kukurei.
Te Kukurei e irekereke ma karaoan te bwai ae mwaiti ma aomata ake ko ibuobuoki ma ngaiia. E aki nanonaki aio bwa ko aki kona ni iraorao ma aomata aika aki kukurei n tabetai. Bon te koaua bwa ngaira ni kabane ti namakina te aki kukurei inanon te tai teuana ma teuana.
Ma kakoaua bwa ko kamanena am tai ma aomata ake a kakukurei ao ni kaira nanom. Raao aika raraoi ake a buokiko ni maiuakina ana kainibaire te Uea a kona ni karaoa te bitaki ae bubura nakon kukureim. Ao kataia n riki bwa te rao ni kakukurei nakoia tabeman. Ko kona ni karaoa te kaokoro ni maiuia tabeman naba.
Tanetanen te burati 2: Kamanena te katangitang ni karika te kukurei.
Katangitang e korakora namakinana n am iango. E kona ni bita butin nako bwaai ake n am kaburorom. Te anene ae Raoiro e na buokiko n namakina te koaua, kukurei, ao te anaaki n nano. Karaoa tauan mwiin te anene ae kakukurei, kaunga, ao anene ni karikirakea te onimaki are ko ongongora iai.
Tanetanen te burati 3: Otinako.
Kakukureiko n ana kariki bwai te Atua are kamaiu tamneira ao rabwatara. E kakawaki ibukin kukureim n anaa te tai teutana man te terewition, kombiuta ao te mataku n tareboon n otinako ao ni kabongana otan taai, aroka, ao taian maan i rarikim. Wakinako nakonako ma am utu ao raraom, takakaro i tinaniku, wareware ao kamatebwai i tinaniku. Ko na bon miimi n am namakin ae raoiroi ngkana ko karaoia.
Tanetanen te burati 4: Karekea te matu ae tau.
E taku te Uea bwa te matu e riai nakon marurungin te iango ao te rabwata (taraa Reirei ao Berita aika Tabu 88:124). N aekan baeteren te tareboon ae tangira manga tiatinakina, kaburorom e kainanoa te matu bwa e na mwakuri raoi. N aron are ko kataua te tai ni uti n te moan ingabong, kakoaua bwa ko na kataua naba te tai ibukim nako ni matu (ao tai uota am tareboon iroum).
Tanetanen te burati 5: Kamanenaa te marooro ae korakora ma aomata.
Kamanenakin te kanako taeka ao bwaai n reitaki ni marooro ma raraom ao am utu e kona n tamaroa. Man am karabakau ma aomata ni bon itaramata e karaoa te bwai teuana ibukin am iango ao tamneim are aki kona ni karaoia te bwai ae mwakuri n te iti. Kakoaua bwa ko karaoa te bwai teuana ngkoe ma am utu ao raraom. Karekea am tai n taetae ma ake a mena irarikim.
Tanetanen te burati 6: Kakamarurung ao kang amwarake aika karika te marurung.
Kaburorom e kona n tii mwakuri ma te bwaa ae ko anganna. Amwarake aika a kangkangiaki n te aro ae bati ao ni bati iai te tioka (tabetai e aranaki bwa te amwarake ae akea bongana) a kona n kangkang ma n taainako a karika am iango ao rabwatam n namakina ae aki konabwai. Te rongorongo ae raoiroi bwa ko na kana te uanikai ae bati, taian baanikai, atin taian uteute aika kakanaki, kanakin amwarake iroum aika aki boongana e na kerikaki. E anganiira te Uea rabwatara ae tii teuana, ma ngaia are ti na tararuaia!
Tanetanen te burati 7: Tataro ao Iangoia.
Te Uea ao Ana burabeti ao abotoro a reireinira ni karekea tain te tataro n rau. Te tataro ao kakorakoraan te iango e roko raoi n te tabo are mwakoron te kaburoro are ko namakina iai te kukurei. Ngkana ko bon karekea am tai ni iango ao n tataro, e na rikirake kukureim teutana ni katoa tai. N te tai ae mwaiti ae maan, ko na noora te kaokoro ae korakora kaokorona inanon te rau ae kororaoi ao am namakin ae ko kakoaua.
Ko kakaei Iango Riki Tabeua?
Tanetanen te burati aika itiua aikai bon tii tabeua mai ibuakon taian kawai ake ti kona ni karaoi ni kaonii raabwatara ao tamneira n te kukurei. Ibukin iango riki tabeua, taraia inanon Ibukin Kakorakoraia Kairake te boki ae uarereke ni kinai reirei are atia ni karikiko ao tabeman ni kukurei n te tai ae nako. Tera am namakin ae ko kan karaoia ni kabonganai riki bwaai aikai n taainako inanon maium ni katoabong?
Uringa n taainako bwa oin te kukurei ae rine bon mai iroun ara Tia Kamaiu, Iesu Kristo. N aki tabe bwa teraa ae ko rinanona, E tei n taainako ni kakabwaiako ao ni buokiko inanon am kangaanga. E na buokiko ni ukora te kukurei are ko kakantaningaia.