“Visen Ia,” Blong Ol Yut Oli Kam Strong Julae 2021, 16–17. Kam Folem Mi VisenIa I Kam long Paul B. Murphy, mo Lance Fry i dro Doktrin mo Ol Kavenan 76 PikjaVisen Ia Afta we hem i bin transletem Buk blong Momon, Lod i bin givim komanmen long Josef blong luklukbak long Baebol. Taem we hem i bin stap ridim Baebol, Josef i bin kasem insperesen long Lod blong mekem sam jenis. Josef i bin askem samfala we oli save raet, blong oli helpem hem. Wok ia i bin slo taem we Lod i bin givim oda long Ol Sent blong oli muv i go long Ohaeo. Afta we Josef i muv i go long Ohaeo, hem i stat blong mekem wok blong luklukbak long Baebol, mo Sidni Rigdon i bin helpem hem blong raet. “Yumi nid blong statembak wok blong yumi long Baebol.” Long namba 16 Febwari 1832, Josef mo Sidni, tufala i bin stap luklukbak long buk blong Jon long Niu Testeman. “ … olgeta ia we oli bin mekem gud, long taem blong laef bakegen long ded blong olgeta we oli stret; mo olgeta we oli bin mekem nogud, long laef bakegen long ded blong olgeta we oli no stret.” “?Hemia i minim wanem?” Wan bigfala visen i bin kamkamaot long tufala. Tufala i bin luk Jisas Kraes mo Papa long Heven. Tufala i bin lanem tu se i gat ol trifala kingdom long heven. God i bin soem se olgeta we bae oli go long selestial kingdom, bambae oli laef bakegen long ded faswan. “Olgeta ia, oli olgeta we … oli kam stret gud tru long Jisas.” Taem we visen ia i finis, tufala i bin sapraes tumas. Sidni i bin taed. “Sidni i no fesem hemia olsem we mi mi stap fesem oltaem.”