“Fesootai,” Mo le Malosi o le Autalavou, Aok. 2021, totonu o le faavaa pito i luma.
Fesootai
Althea C.
14, Niu Ioka, ISA
O le nofo ai i Niu Ioka, ua siomia au e tagata e ese mai ia te au. Ou te fiafia e aoao e uiga i mea e tulaga ese ai tagata taitoatasi, aua ua aoaoina ai au i le ala e talia ma fiafia ai i o latou eseesega. Ou te manatu e ese le manaia o le aoao e uiga i auala eseese na tausia ai tagata.
Mo se taimi umi ao ou tuputupu ae, ou te lei tatalo lava na o au. Ona oo lea i se tasi aso, sa i ai sou faafitauli, ma sa ou faapea, “Ou te le iloa po o le a le mea e fai. E le mafai ona ou faia na o au lenei filifiliga. Ae ou te iloa e mafai ona fesoasoani mai le Tama Faalelagi ia te au.”
O le tatalo lenei ua ou lagona ai le latalata atili atu i lou Tama Faalelagi. O nisi taimi na o lou tatalo lava ona ou te fia talanoa ia te Ia! E tusa lava pe leai ni au fesili tetele po o se faafitauli, ou te fia talanoa i le Tama Faalelagi. Ou te iloa e le o vaai maualalo mai o Ia ia te au ma le ita mai ia te au ona o au mea sese—o Ia o lou Tama, ma ou te fia faia se sootaga ma Ia pei o lou tama faalelalolagi.