“O le Malamalama o Keriso,” Mo le Malosi o le Autalavou, Aok. 2021, 32.
O leaFuaitau i luga o lea Fuaitau
O Le Malamalama o Keriso
O Iesu Keriso o le Malamalama
malamalama o Keriso
Ata na tusia e Adam Howling
O Le Malamalama o Keriso o le mana paia lena po o uunaiga e afua mai i le Atua e ala mai ia Iesu Keriso. E tuuina atu le ola ma le malamalama i mea uma ma e tuuina atu i tagata uma (tagai Moronae 7:16).
faamalamalamaina ou mata
O le Faamalamalamaina o lona uiga o le aoao atu, aumaia le malamalama, po o le tuuina atu o se malamalamaaga i ai. E manaomia e o tatou mata le malamalama ina ia mafai ona vaai. Latou te auina mai le malamalama i lo tatou faiai ina ia tatou malamalama i mea tatou te vaai i ai. E tuuina mai e Iesu Keriso le malamalama i o tatou agaga ma fesoasoani ia tatou malamalama i Lana upumoni.
faapupulaina ou malamalamaaga
O le Faapupulaina o lona uiga ia faia ia ola. E ala i le Malamalama o Keriso, e ola ai o tatou mafaufau ma loto ma mafai ona malamalama i upumoni uma. E aofia ai le malamalama e uiga i le lalolagi o loo siomia ai i tatou ma e uiga i le sao ma le sese.
o le tulafono
O le Tulafono o se seti o tulafono. O Tulafono e mamanu ai le faatulagaina lelei. O loo i ai tulafono i le ala e galueaiina ai mea i le natura (e pei o le tulafono o le kalave). O loo i ai foi tulafono mo le auala e tatau ona amio ai tagata (e pei o poloaiga a le Atua).
ua pulea mea uma
O le Pulea o lona uiga o le taitai, puleaina, po o le faatonutonu. O le Malamalama o Keriso o le tulafono lea e pulea mea uma. Na fetalai mai Iesu Keriso i se tasi taimi, “o Au nei o le tulafono ma le malamalama” (3 Nifae 15:9). Na te avatu le ola i mea uma. O Ia na faatulagaina tulafono ma aumai le faatulagaga o mea uma. Ma ua Ia faaali mai le ala e maua ai le ola e faavavau.