“O Se Upu ia Ola Ai Pea,” Mo le Malosi o le Autalavou, Aok. 2021, 22–23.
Sau, Mulimuli Mai ia te A’u
O Se Upu ia Ola Ai Pea
1833
I se fonotaga ma le Perofeta o Iosefa Samita, e toatele alii na ulaula paipa ma lamu tapaa.
Sa talanoa atu le toalua o Iosefa, o Ema ia te ia e uiga i le gasu ma le asu mai ma le tapaa. O nei mea na foliga na aveesea mai le Agaga. Sa mafaufau Iosefa po o le a le finagalo o le Atua e uiga i ai.
Sa tatalo Iosefa e uiga i le mea na fai mai ai Ema, ma sa ia maua se faaaliga e uiga i le auala e mafai ai ona tatou ola i se olaga maloloina. Na faamatalaina ai foi faamanuiaga sili mo le faia o lena mea.
Na faaali mai e le Alii e tatau ona tatou:
Aai i fualaau aina ma laau afu lelei, e aofia ai fualaau faisua (tagai Mataupu Faavae ma Feagaiga 89:10–11).
Aai itiiti i aano o manu (tagai Mataupu Faavae ma Feagaiga 89:12–13).
Aai kuranuma (tagai Mataupu Faavae ma Feagaiga 89:14–17).
Na faaali mai foi e le Alii e tatau ona tatou aloese mai ai:
Ava malosi, tapaa, lauti, ma le kofe (tagai Mataupu Faavae ma Feagaiga 89:5–9).
Ina ua faasoa atu e Iosefa lenei faaaliga, na taua o se “Upu o le Poto,” sa tauai e nisi o alii a latou paipa ma tapaa i le afi.