Tuusao i le Mataupu

O le a se mea e tatau ona ou tau atu pe a fesili mai tagata pe aisea tatou te le inu ai le lauti po o le kofe?

O le upu o le poto o le tulafono ma le poloaiga a le Alii e faatatau i mea ua tatou tuuina i o tatou tino (tagai i le Mataupu Faavae ma Feagaiga 89). O se mea e tasi o loo tau mai ai o le aloese mai “mea inu vevela” (Mataupu Faavae ma Feagaiga 89:9). Ua faamalamalama mai e Iosefa Samita ma isi taitai o le Ekalesia o le uiga o lenei mea o le lauti ma le kofe.

E ui o le Upu o le Poto e iloagofie ai faamanuiaga faalesoifua maloloina, ae e le o le mafuaaga autu lea tatou te mulimuli ai. Tatou te mulimuli i le Upu o le Poto ona ua tatou osia se feagaiga e usiusitai i poloaiga a le Alii.

Ua folafola mai e le Alii ia i tatou ni faamanuiaga maoae mo le tausia o le Upu o le Poto, e aofia ai faamanuiaga faaleagaga. Mo se faataitaiga, na Ia fetalai mai o le a tatou maua le ola maloloina, poto, ma oa sili o le malamalama, faapea foi ma Lana puipuiga (tagai Mataupu Faavae ma Feagaiga 89:18–21).

E toatele tagata i le lalolagi e inuina le lauti ma le kofe, ma o le mea moni tatou te le inuina e ono foliga mai e ese ia i latou. O nisi tagata e ono tau atu foi ia te oe le mafuaaga latou te manatu ai o le lauti, kofe, po o isi mea ua faasaina ona o le Upu o le Poto e matua maloloina lava. Ae toe faapea atu, o le mafuaaga autu lava tatou te ola ai i le Upu o le Poto ona ua tatou osifeagaiga e usiusitai i poloaiga a le Alii, ma o le a tatou maua faamanuiaga mo le faia o lena mea.