“Ko Ha Lea ke Moʻui ʻAki Maʻu Pē,” Ki Hono Fakamālohia ʻo e Toʻu Tupú, ʻAokosi 2021, 22–23.
Haʻu, ʻo Muimui ʻIate Au
Ko Ha Lea ke Moʻui ʻAki Maʻu Pē
1833
Lolotonga ha fakataha mo e Palōfita ko Siosefa Sāmitá, naʻe tokolahi ha kau tangata ne nau ifi tapaka mo mama tapaka.
Naʻe talanoa ʻa ʻEma ko e uaifi ʻo Siosefá kiate ia ʻo fekauʻaki mo e ʻuli ʻa e ʻahú mo e tapaká. Ne hangē naʻe toʻo ʻe he meʻá ni ʻa e Laumālié. Naʻe fifili ʻa Siosefa pe ko e hā nai ha fakakaukau ʻa e ʻOtuá ki he meʻá ni.
Naʻe lotua ʻe Siosefa ʻa e meʻa ne lea ʻaki ʻe ʻEmá, pea naʻá ne maʻu ha fakahā ki he founga ʻe lava ke tau moʻui lelei aí. Naʻe fakamatalaʻi foki ai ha ngaahi tāpuaki maʻongoʻonga ʻi hono fakahoko iá.
Naʻe fakahā ʻe he ʻEikí ʻoku totonu ke tau:
Kai ʻa e fuaʻiʻakaú mo e laʻiʻakaú, ʻo kau ai ʻa e vesitapoló (vakai, Tokāteline mo e Ngaahi Fuakava 89:10–11).
Kai fakasiʻisiʻi ʻa e kakanoʻi manú (vakai, Tokāteline mo e Ngaahi Fuakava 89:12–13).
Kai ʻa e kēlení (vakai, Tokāteline mo e Ngaahi Fuakava 89:14–17).
Naʻe toe fakahā foki ʻe he ʻEikí ʻoku totonu ke tau fakaʻehiʻehi mei he:
Kava mālohí, tapaká, tií mo e kofí (vakai, Tokāteline mo e Ngaahi Fuakava 89:5–9).
ʻI he taimi naʻe vahevahe ai ʻe Siosefa ʻa e fakahā ko ʻeni naʻe ui ko e “Lea ʻo e Potó,” naʻe tolongi ʻe ha kau tangata ʻe niʻihi ʻenau meʻa ifi tapaká mo e tapaká ki he afí.