Haʻu, ʻo Muimui ʻIate Au

Ko Hono ʻIlo e Māmá mo e Moʻoní

Tokāteline mo e Ngaahi Fuakava 88; 93

Fakatātā mei he Getty Images

ʻI he ngaahi fakahā ʻi he Tokāteline mo e Ngaahi Fuakavá, naʻe akoʻi ai ʻe he Fakamoʻuí ha ngaahi moʻoni mahuʻinga fekauʻaki mo Ia. ʻOku tokoni ʻeni ke mahino lelei ange kiate kitautolu ko hai Ia pea mo e founga ʻe lava ke Ne tokoniʻi ai kitautolú.

Vakai ki he ngaahi veesi ko ʻení. Fakaʻaongaʻi hoʻo folofolá ke kumi ʻaki e ngaahi foʻi lea ʻoku pulí. Ko e hā ʻoku akoʻi atu ʻe he ngaahi potufolofola ko ʻení fekauʻaki mo Sīsū Kalaisí?

• Ko Sīsū Kalaisi ʻa e tupuʻanga ʻo e maama kotoa pē ʻa ia ʻoku “ʻalu atu mei he __________” (Tokāteline mo e Ngaahi Fuakava 88:12).

• Ko Ia “ʻa e __________ __________ ʻoku __________ ʻa e tangata kotoa pē ʻoku haʻu ki he māmaní” (Tokāteline mo e Ngaahi Fuakava 93:2).

• Ko Sīsū Kalaisi “ko e __________ ia ʻo e __________” (Tokāteline mo e Ngaahi Fuakava 88:6–7).

• Naʻe folofola ʻa e Fakamoʻuí, “Ko e __________ au ʻoku ʻiate kimoutolú” (Tokāteline mo e Ngaahi Fuakava 88:50). “Kapau ʻe hanga taha ʻa homou matá ki hoku nāunaú, ʻe fakafonu ʻa homou __________ __________ ʻaki ʻa e __________, pea ʻe ʻikai ke ʻiate kimoutolu ha __________” (Tokāteline mo e Ngaahi Fuakava 88:67).

• Naʻe folofola ʻa e Fakamoʻuí, “ʻOku mei he __________ ʻa e Laumālie ʻo e __________. Ko au ʻa e Laumālie ʻo e __________” (Tokāteline mo e Ngaahi Fuakava 93:26).

• “Ko hoku __________ ko e __________; ʻoku tolonga ʻa e __________ pea ʻoku ʻikai ke ʻi ai hano ngataʻanga; pea kapau ʻe nofo ia ʻiate kimoutolu ʻe lahi ʻaupito ia” (Tokāteline mo e Ngaahi Fuakava 88:66).

• “Ko ia ia ʻokú ne __________ vave kiate aú, te ne ʻiloʻi au, pea ʻe ʻikai __________ ia” (Tokāteline mo e Ngaahi Fuakava 88:83).

“ʻOku hoko ʻa Sīsū Kalaisi ko e maama ʻo e māmaní he ko ia naʻá ne fakatupu ʻa e maama ʻokú ne fakaake ʻetau mahinó, koeʻuhí he ʻoku fakamaama ʻe heʻene ngaahi akonakí mo e faʻifaʻitakiʻangá ʻa hotau halá, pea koeʻuhí he ʻoku fakalotoa ʻe hono mālohí ʻa kitautolu ke tau fai lelei.”

Palesiteni Dallin H. Oaks, Tokoni ʻUluaki ʻi he Kau Palesitenisī ʻUluakí, konifelenisi lahi ʻo ʻOkatopa 1987 (Ensign, Nov. 1987, 64).

ʻI heʻetau ako lahi ange kia Sīsū Kalaisí, pea hoko ʻo ʻiloʻi ʻa Hono ʻulungaanga fakalangí, ʻe mahino lelei ange ai kiate kitautolu ʻa e ʻuhinga ʻoku tau fie maʻu ai Ia ke Ne hoko ko hotau Fakamoʻuí. ʻE tataki foki kitautolu ʻe Heʻene māmá ki he moʻoni kotoa pē.