“Ko e Maama ʻo Kalaisí,” Ki Hono Fakamālohia ʻo e Toʻu Tupú, ʻAokosi 2021, 32.
ʻOtu Lea ki he ʻOtu Lea
Ko e Maama ʻo Kalaisí
Ko Sīsū Kalaisi ʻa e Māmá.
maama ʻo Kalaisí
Tā fakatātā ʻa Adam Howling
Ko e Maama ʻa Kalaisí ko ha mālohi mo e ivi tākiekina ʻoku maʻu mei he ʻOtuá ʻo fou ʻia Sīsū Kalaisi. ʻOkú ne foaki ʻa e moʻui mo e maama ki he meʻa kotoa pē pea ʻoku foaki ia ki he kakai kotoa pē (vakai, Molonai 7:16).
fakamaama homou matá
ʻOku ʻuhinga ʻa e fakamāmá ke akoʻi, ke ʻomi ʻa e ʻilo, pe ke foaki ʻa e ʻiló. ʻOku fie maʻu ʻe hotau ongo matá ʻa e māmá ka tau lava ʻo sio. ʻOkú na ʻave ʻa e māmá ki hotau ʻatamaí kae lava ke mahino kiate kitautolu ʻa e meʻa ʻoku tau sio ki aí. ʻOku foaki mai ʻe Sīsū Kalaisi ʻa e māmá ki hotau laumālié pea ʻokú Ne tokoni ke mahino kiate kitautolu ʻa ʻEne moʻoní.
fakaake homou ʻatamaí
ʻOku ʻuhinga ʻa e fakaaké ke ʻai ke moʻui. ʻOku fakafou ʻi he Maama ʻo Kalaisí ʻa e longomoʻui hotau ʻatamaí mo e lotó pea malava ke mahino ʻa e moʻoni kotoa pē. ʻOku kau heni ʻa e ʻilo ki he māmani ʻoku tau ʻi aí pea mo e totonú mo e halá.
ko e fonó
Ko e fonó ko ha ngaahi lao ia. ʻOku fakatupu ʻe he ngaahi laó ʻa e maau. ʻOku ʻi ai ha ngaahi lao ki he founga ngāue ʻa natulá (hangē ko e lao ʻo e kalāvité). ʻOku ʻi ai foki ha ngaahi lao ki he tōʻonga moʻui totonu ʻa e kakaí (hangē ko e ngaahi fekau ʻa e ʻOtuá).
puleʻi ʻaki ʻa e ngaahi meʻa kotoa pē
ʻOku ʻuhinga ʻa e puleʻí ke pule pe fakahinohino. Ko e Maama ʻo Kalaisí ko e fono ia ʻokú ne puleʻi ʻa e meʻa kotoa pē. Naʻe folofola ʻa Sīsū Kalaisi ʻo pehē, “Ko au ʻa e fonó, pea mo e māmá” (3 Nīfai 15:9). ʻOkú Ne foaki ʻa e moʻuí ki he meʻa kotoa pē. ʻOkú Ne fokotuʻu ʻa e ngaahi laó pea ʻokú Ne fakamaau ʻa e ngaahi meʻa kotoa pē. Pea ʻokú Ne fakahā mai kiate kitautolu ʻa e founga ke maʻu ai ʻa e moʻui taʻengatá.